Katiqsuanguvalliajunut sunanik ilaqaqtittisimavat?

Katiqsuanguvalliajunut sunanik ilaqaqtittisimavat?

ECD-ngujut tunngavviqaliqtittisimammata inuusilimaamut qanuinngittiarutiksanik ammalu sivuniuniaqtumut ilinniarutiksaulirajaqtunik. Inuit ECD-nginut Piliriaqaqtiullutik Timingat nalunaijaisimammata ilinnialisaaqtut sukattummaringmik piruqpallianiqaqpammata ammalu ilippalliavaktutik ukiuqanngittunit 5-nut tikilługu. Taakkua katiqsuanguvalliajut taimali ikajurutiksaujuuniarmata ammalu titiqqaqutitaqarniaqtuni turaangatitausimajunut taakkununga pimmariuluaqtumik taimanna ukiuqaqtunut. Ilijaujunnarniaqullugit katiqsuarijauvalliajunut, ikajurutissaliangusimajut ammalu titiraqtausimajut tunngavviqaqtitausimajariaqaqtut Inuit qaujimajanginut, aturniqaqtitanginut, ammalu piusituqanginnut; ECD-ngullutik titiraqtausimajut sivullirmik aaqqiksuarijausimalauqtut turaangatitaullutik qaplunaat nunanginnirmiunut Canada-mi uvvaluunniit tamainut Nunaqaqqaarsimajunuangatitaullutik taimali isumagijaummata ilautitauniannginninginut taakkununga katiqsuanguvalliajunut. 

Taanna qaritaujatigut pituksimavvik Inungnut turaangajunik ikajuqtauvviksanik iluliqarniaqtut turaangajunik ilinnialisaaqtunut ilinniarutiksanik, papataujunnarvigijauniaqtunik ammalu amiqqarijauvaklutik Inunnut nunaliqaqtunut Kanatalimaami nanituinnaq. Ilaqarniaqtutiklu piqutinik suurlu: ilinniaqtittinirmi sanarrutissanik, pairivvilirinirmut maligaqutinik ammalu piliriangujunut uqalimaagaliangusimajunik, pinnguarutissanik, sanaugaliangujunnaqtunik, piusituqaq maliklugu surusirnik piruqsaijjusiuvaktunik, nirijaksanut titiqqaqutinik ammalu niqittiavalirinirmut piliriangujunik, ilinniarutigijaujunnaqtunik, imngiusirnik, ikajuqtaujjutiksaliangusimajunik angajuqqaarijaujunut, ammalu Inuit ECD-ngujunut qaujisaiqattarutiusimallutik titiqqaqutinik ammalu maligalirinirmut unikkaaliangusimajunik.