English - Click here | Inuktitut - Taanna naqillugu
ᐊᑐᓐᓂᕐᒧᑦ ᒪᓕᑦᑕᐅᔪᔅᓴᐃᑦ ᐃᑭᐊᖅᑭᕕᒃᑯᑦ ᒪᓕᒐᖁᑏᑦ
ᑭᖑᓪᓕᖅᐹᒥ ᐋᖅᑭᒋᐊᖅᑕᐅᓂᖓ: 01/09/2015
ᑲᑎᖅᓱᒐᑦ: ᐃᓄᐃᑦ ᐃᓕᓐᓂᐊᓕᓵᖅᑐᓄᑦ ᐃᓕᓐᓂᐊᕈᑎᒃᓴᑦ ᖃᕆᑕᐅᔭᑎᒍᑦ ᑲᑎᖅᓱᐊᖑᒻᒪᑕ ᐱᓕᕆᐊᖑᓪᓗᑎᒃ ᐃᓄᐃᑦ ᑕᐱᕇᒃᑯᓐᓂᑦ ᑲᓇᑕᒥ (ITK). ᑖᒃᑯᐊ ᐊᑐᖅᐸᓐᓂᕐᒧᑦ ᒪᓕᑦᑕᐅᔭᕆᐊᓖᑦ ᐊᒻᒪᓗ ᐃᑭᐊᖅᑭᕕᒃᑯᑦ ᒪᓕᒐᖁᑏᑦ ("ᒪᓕᒃᑕᐅᔭᕆᐊᓖᑦ") ᓇᓗᓇᐃᔭᐃᓯᒪᕗᑦ ᐱᔪᓐᓇᐅᑎᒋᔭᕐᓂᒃ ᐊᒻᒪᓗ ᐱᓕᕆᐊᔅᓴᕆᔭᕐᓂᒃ ᐊᑐᖅᑎᓪᓗᒋᑦ ᑲᑎᖅᓱᒐᒥᒃ. ᐊᑐᓐᓂᒃᑯᑦ ᑲᑎᖅᓱᒐᒃᑯᑦ, ᑖᒃᑯᓂᖓ ᒪᓕᑦᑕᐅᔭᕆᐊᓕᓐᓂᒃ ᐊᖏᕈᑎᖃᖅᓯᒪᒐᕕᑦ.
ᐊᑐᓕᖅᑎᑕᐅᓯᒪᓂᖏᑦ
ᒪᓕᒃᑕᐅᔭᕆᐊᓕᖁᑏᑦ ᐊᑐᓕᖅᑎᑕᐅᓯᒪᒻᒪᑕ ᑭᒃᑯᑐᐃᓐᓇᒧᑦ ᐊᑐᖅᑐᒧᑦ ᐊᒻᒪᓗ/ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᐱᑐᒃᓯᒪᕝᕕᖓᓂᒃ ᐊᑐᖅᑕᖅᑐᒥᒃ. ᒪᓕᒃᑕᐅᔭᕆᐊᓕᑦ ᐊᑐᓕᖅᑎᑕᐅᓯᒪᒋᕗᑦ ᑭᓇᑐᐃᓐᓇᒧᑦ ᑐᓂᓯᓯᒪᔪᒧᑦ ᑎᑎᕋᖅᓯᒪᔪᖁᑎᒥᓂᒃ ᐊᒻᒪᓗ/ᐅᕝᕙᓘᓐᓃᑦ ᐊᑐᖅᐸᒃᑐᓄᑦ ᑲᑎᖅᓱᒐᒥᒃ. ᑭᓇᑐᐃᓐᓇᖅ ᐃᓄᒃ ᐊᑐᖅᑐᖅ ᑲᑎᖅᓱᒐᐅᔪᓂᒃ ᐱᔾᔪᑎᒋᓪᓗᒋᑦ ᓇᒻᒥᓂᖅ ᐱᓕᕆᕝᕕᖃᖅᑐᑦ, ᑕᐃᒃᑯᐊ ᐱᓕᕆᕝᕕᖃᖅᑐᑦ ᓈᒻᒪᔅᓴᓕᖅᑎᑕᐅᕙᒻᒪᑕ ᒪᓕᑦᑕᐅᔭᕆᐊᓕᐅᔪᓂᒃ.
ᐊᑐᓐᓂᖃᒻᒪᕆᑦᑐᖁᑎᕗᑦ
ᐅᓇ ᐃᑭᐊᖅᑭᕕᒃᑯᑦ ᑐᕌᖓᑎᑕᐅᓯᔪᖅ ᐃᓄᓐᓄᑦ ᐊᑐᖅᑕᐅᔪᔅᓴᐅᓪᓗᓂ.
ᑲᑎᖅᓱᐊᖑᔪᓄᑦ ᑐᓂᓯᔪᒪᔪᖃᖅᑎᓪᓗᒍ ᐊᖏᖅᓯᒪᐃᓐᓇᐅᔭᖅᑐᒍᑦ ᑭᓯᐊᓂ ᐱᓗᐊᖅᑐᒥᒃ ᐊᔭᐅᕆᓇᓱᑉᐸᒃᑐᑕ ᑎᑎᕋᖅᓯᒪᔭᖏᓐᓂᒃ ᐃᓄᐃᑦ ᐊᖓᔪᖅᑳᕆᔭᐅᔪᑦ, ᐸᐃᕆᕝᕕᓐᓂ ᐃᓕᓴᐃᔨᐅᔪᑦ, ᐊᒻᒪᓗ ᐸᐃᕆᕝᕕᓐᓄᑦ ᐊᐅᓚᑦᓯᔨᐅᔪᑦ ᑐᓂᓯᓇᓱᖃᑦᑕᖁᓪᓗᑎᒍᑦ.
ᑕᐃᒃᑯᐊ ᑎᑎᕋᖅᓯᒪᔭᒥᓐᓂᒃ ᑲᑎᖅᓱᐊᓄᑦ ᐅᔾᔨᕈᓱᑦᓯᐊᖁᔨᕗᒍᑦ ᐃᓕᓐᓂᐊᕈᑎᔅᓴᓂᒃ ᐊᒻᒪᓗ ᐱᓕᕆᐊᖑᔪᔅᓴᓂᒃ ᐊᔅᓱᕈᕈᑎᖃᖅᓱᑎᒃ ᐋᖅᑭᔅᓱᐃᓇᓱᓐᓂᖏᓐᓂᒃ ᑐᖖᒐᕕᖃᖅᑎᑦᓱᒋᑦ ᐃᓄᐃᑦ ᐅᖃᐅᓯᖓᓂᒃ, ᐊᓐᓂᕆᔭᖁᑎᖏᓐᓄᑦ, ᖃᐅᔨᒪᔾᔪᓯᕆᔭᖏᓐᓄᑦ, ᐊᒻᒪᓗ ᐃᓕᓐᓂᐊᖅᑎᑦᑎᔾᔪᑎᔅᓴᐅᔪᓂᒃ. ᐃᓕᓐᓄᑦ ᑐᕌᖓᖖᒋᓐᓂᖅᐸᑕ ᑭᓯᐊᓂ ᐃᓕᑉᐹᓪᓕᕈᒪᒍᕕᑦ ᑲᔪᓯᑎᑕᐅᓂᖏᑕ ᐊᓯᔾᔨᖅᑕᐅᕙᓪᓕᐊᓪᓗᑎᒃ ᐃᓄᐃᑦ ᐃᓕᓐᓂᐊᖅᑎᑕᐅᔾᔪᓯᖏᑦ, ᐱᒋᐊᕐᕕᑦᑎᐊᕙᓪᓚᕆᒃ ᑲᓇᑕᒥ ᐃᓄᐃᑦ ᐃᓕᓐᓂᐊᕐᓂᓕᕆᓂᕐᒧᑦ ᐸᕐᓇᐅᑎᖏᑦ ᐅᖃᓕᒫᒐᖖᒍᖅᑎᑕᐅᓯᒪᓪᓗᑎᒃ ᐊᒪᐅᔭᖅ ᑲᓇᑕᒥ ᐃᓄᐃᑦ ᐃᓕᓐᓂᐊᕐᓂᓕᕆᓂᖓᓐᓂᒃ.
ᐅᑯᐊ ᐊᓐᓂᕐᓇᕈᑎᒋᔭᕗᑦ ᑎᑎᕋᖅᑕᐅᓯᒪᔪᑦ, ᑕᒪᒃᑮᖓᖏᑦᑑᒐᓗᐊᑦ, ᐋᖅᑭᑦᑕᐅᓯᒪᒻᒪᑕ ᓂᕆᐅᒋᔭᐅᔪᑦ ᐃᓕᖅᑯᓰᑦ ᐃᑭᐊᖅᑭᕕᒃᑯᑦ, ᐊᒻᒪᓗ ᓇᓗᓇᐃᕐᕕᒋᖁᓪᓗᒋᑦ ᓂᕆᐅᓐᓂᖃᕐᓂᑦᑎᓐᓂᒃ ᖃᓄᐃᖖᒋᑦᑎᐊᖅᑐᓂᒃ, ᐃᓄᓐᓄᑦ ᑐᕌᖓᑎᑕᐅᔪᓂᒃ ᑲᑎᓐᖓᖃᑎᒌᓐᓂᐅᓂᕐᒥᒃ:
- ᒪᑐᐃᖖᒐᑦᑎᐊᖅᑑᓂᖅ - ᑭᒃᑯᓕᒫᓂᒃ ᐃᓚᒋᔭᐅᓕᖁᔨᕗᒍᑦ ᐃᑭᐊᖅᑭᕕᖁᑎᑦᑎᓐᓄᑦ ᐊᒻᒪᓗ ᑲᑎᖅᓱᐊᖑᔪᓄᑦ ᑐᓂᓯᔪᒪᔪᓄᑦ ᐊᖏᖅᓯᒪᐃᓐᓇᐅᔭᖅᑐᒍᑦ ᑭᒃᑯᑐᐃᓐᓇᓂᑦ (ᑐᕌᖓᑦᑎᐊᖅᐸᑕ ᑲᑎᖅᓱᒐᓄᑦ ᑐᕌᖅᑕᐅᓇᓱᐊᖅᑐᓄᑦ ᐊᒻᒪᓗ ᒪᓕᑦᓯᐊᖅᐸᑕ ᐊᓯᖏᓐᓄᑦ ᐊᑐᕐᓂᖃᖅᑎᑕᑦᑎᓐᓄᑦ).
- ᐃᑉᐱᒋᔭᖃᑦᑎᐊᕐᓂᖅ - ᐅᑉᐱᕈᓱᒃᑲᑦᑕ ᑕᒪᕐᒥᒃ ᐃᑉᐱᒋᔭᐅᑦᑎᐊᕆᐊᖃᕐᓂᖏᓐᓂᒃ ᑕᐃᒪᐃᑎᑦᑎᓇᓱᒃᑲᑦᑕ ᐸᕝᕕᓵᖅᑕᐅᖖᒋᓪᓗᑎᒃ ᐱᓕᕆᔪᓐᓇᖅᑎᑕᐅᔭᕆᐊᖃᕐᓂᖏᓐᓂᒃ.
- ᓇᓗᓇᐃᖅᓯᓂᖅ ᐃᓄᐃᑦ ᐃᓱᒪᒋᔭᖃᐅᓯᖏᓐᓂᑦ - ᐊᓐᓂᕆᓪᓚᕆᒃᑲᑦᑎᒍᑦ ᑕᒪᐃᓐᓂᒃ ᐃᓄᐃᑦ ᖃᐅᔨᒪᔭᑐᖃᖏᑦ, ᐱᐅᓯᑐᖃᖏᑦ, ᐊᒻᒪᓗ ᐅᖃᐅᓯᕆᔭᖏᑦ.
- ᓄᓇᖅᑲᑎᒌᑦᑐᑦ ᖃᓄᐃᖖᒋᑦᑎᐊᕐᓂᖏᑦ - ᐊᑐᓕᖅᑎᑦᑎᖃᑦᑕᖅᑐᒍᑦ ᖃᓄᐃᖖᒋᑦᑎᐊᖅᑐᓂᒃ ᓄᓇᖅᑲᑎᒌᑦᑎᑦᑎᓂᕐᒥᒃ, ᑕᒪᐃᑎᒍᑦ ᐃᑭᐊᖅᑭᕕᑦᑎᒍᑦ ᐊᒻᒪᓗ ᐃᓅᖃᑎᒌᑦᑐᓂᒃ, ᐃᓕᓴᖅᓯᓂᑦᑎᒍᑦ ᐃᓄᐃᑦ ᓇᒻᒥᓂᖅ ᐊᐅᓚᑦᓯᔪᓐᓇᕐᓂᖏᓐᓂᒃ ᐊᒻᒪᓗ ᖁᕝᕙᑦᑎᑦᑎᒋᐊᓐᓂᕐᒥᒃ ᑐᓴᐅᒪᔭᐅᓂᖏᑦ ᒪᑭᒪᕙᒌᖅᑐᑦ ᐃᖅᑲᓇᐃᔭᕐᕕᑦ ᐅᔾᔨᕈᓱᓕᖅᑎᑦᑎᓂᕐᒥᒃ ᐊᒻᒪᓗ ᐱᓕᕆᔾᔪᑎᔅᓴᐅᔪᓄᑦ ᑭᓪᓕᖃᕈᑎᐅᔪᓂᒃ ᖁᑦᑎᓐᓂᖅᓴᐅᔪᓄᑦ ᐃᓄᓐᓄᑦ ᑐᕌᖓᔪᓄᑦ ᐃᓕᓐᓂᐊᕈᑎᔅᓴᕆᔭᖏᓐᓄᑦ.
ᑎᑎᕋᖅᓯᒪᔪᖁᑏᑦ ᑐᓂᔭᐅᓯᒪᔪᑦ ᕿᒥᕐᕈᔭᐅᓂᖏᑦ
ᐃᓚᒋᔭᐅᓪᓗᓂ ᑲᑎᖅᓱᐃᕙᓪᓕᐊᓂᕐᒧᑦ ᐃᔾᔪᐊᖅᑕᐅᔭᕆᐊᖃᖖᒋᑦᑐᓄᑦ ᒪᓕᒐᓐᖑᖅᑎᑕᐅᓯᒪᔪᓂᒃ, ᑕᒪᕐᒥᒃ ᑎᑎᕋᖅᑕᐅᓯᒪᔪᑦ ᑐᓂᔭᐅᓯᒪᔪᑦ ᒪᓕᑦᑎᑕᐅᔭᕆᐊᖃᕐᓂᐊᖅᐳᑦ ᑐᖖᒐᕕᖁᑎᒋᔭᖓᓄᑦ ᓇᓗᓇᐃᔭᖅᑕᐅᓯᒪᔪᑦ ᑖᒃᑯᐊ ᖁᓛᓂ ᐊᓐᓂᕆᔭᖁᑎᑦᑎᓐᓄᑦ.
ᑕᒪᕐᒥᒃ ᑎᑎᕋᖅᓯᒪᔪᖁᑎᐅᔪᑦ ᑐᓂᔭᐅᓯᒪᔪᑦ ᑲᑎᖅᓱᒐᓄᑦ ᖃᐅᔨᒋᐊᖅᑕᐅᓂᐊᖅᑐᑦ ᕿᒥᕐᕈᔭᐅᓗᑎᒃ ᐋᖅᑭᑦᑕᐅᓯᒪᔪᓄᑦ ᖃᓄᐃᑦᑑᔭᕆᐊᓕᖏᓐᓄᑦ ᖃᐃᑕᐅᔪᑦ ᐊᒻᒪᓗ/ᐅᕝᕙᓘᓐᓃᑦ ᕿᒥᕐᕈᔭᐅᓗᑎᒃ ᑲᑎᒪᔨᕋᓛᓄᑦ, ᐃᓚᖃᓪᓗᑎᒃ ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐃᖅᑲᓇᐃᔭᖅᑎᖏᓐᓂᑦ ᐊᒻᒪᓗ ᐃᑲᔪᖅᑎᖃᓪᓗᑎᒃ ᐱᓕᕆᐊᖃᑎᒋᔭᑦᑕ ᑲᑐᔾᔨᖃᑎᒌᖏᓐᓂᑦ ᐋᖅᑭᑦᑕᐅᓯᒪᓂᐊᖅᑐᑎᒃ ᑎᓕᔭᐅᓯᒪᓗᑎᒃ ᖃᐅᔨᒋᐊᖅᑎᐅᓂᐊᖅᑐᑦ ᐃᓕᔭᐅᖃᑕᐅᖁᔭᐅᓪᓗᑎᒃ ᑲᑎᖅᓱᒐᐅᔪᓄᑦ ("ᑲᑎᒪᔨᕋᓛᑦ"). ᑕᒪᓐᓇ ᐱᓕᕆᐊᕆᔭᐅᔪᖅ ᐊᑐᓕᖅᑎᑕᐅᓯᒪᔪᖅ ᑕᐃᒃᑯᐊ ᓈᒻᒪᒋᔭᐅᓯᒪᔪᑦ ᑲᑎᖅᓱᐊᖑᔪᓄᑦ ᐱᖁᑎᑦ ᑕᑯᔅᓴᐅᑎᑦᑎᒻᒪᖔᑕ ᐃᓄᐃᑦ ᐊᓐᓂᕆᔭᖁᑎᖏᓐᓂᒃ ᒪᓕᑦᑎᐊᕐᒪᖔᑕ ᐊᒻᒪᓗ ᑐᕌᖓᒻᒪᖔᑕ ᐃᓕᓐᓂᐊᕐᕕᐅᑉ ᓯᕗᓂᐊᒍᑦ ᐃᓕᓐᓂᐊᕈᑎᔅᓴᓄᑦ. ᐱᔪᓐᓇᐅᑎᖃᖅᑎᑕᐅᒐᑦᑕ ᕿᐱᓗᒍᓐᓇᕐᓂᕐᒥᒃ ᐃᓱᒪᒋᒍᑦᑎᒍᑦ ᖃᐃᑕᐅᓯᒪᔪᑦ ᓈᒻᒪᖖᒋᓐᓂᖏᓐᓂᒃ ᐊᒻᒪᓘᓐᓃᑦ ᐊᓐᓂᕈᓲᑎᒋᔭᑦᑎᓐᓂᒃ ᓯᖁᒥᑦᓯᓯᒪᑉᐸᑕ. ᑐᓂᓯᔪᓐᓇᕋᔭᖅᑐᑦ ᑐᓴᖅᑎᖃᑦᑕᕐᓗᑎᒍᑦ ᑎᑎᕋᖅᓯᒪᔪᖁᑎᖏᑦ ᑲᑎᖅᓱᐊᖑᔪᓄᑦ ᐃᓕᔭᐅᔪᓐᓇᖖᒋᑉᐸᑕ, ᐊᒻᒪᓗ, ᐊᔪᕐᓇᖖᒋᒃᑳᖓᑦ, ᓱᓇᑦ ᐱᔾᔪᑎᒋᓪᓗᓂᐅᒃ ᐃᓱᒪᓕᐅᕈᑎᖃᓚᐅᕐᒪᖔᑕ ᓇᓗᓇᐃᔭᐃᓯᒪᓗᑎᒃ. ᑭᓯᐊᓂ, ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐱᔪᓐᓇᐅᑎᖃᖅᐳᑦ ᑭᐅᔾᔪᑎᒥᒍᑦ ᐱᔾᔪᑎᖃᓐᖏᓪᓗᑎᒃ ᓇᓗᓇᐃᖅᓯᓗᑎᒃ ᑎᑎᕋᖅᓯᒪᔭᖓ ᐃᓕᔭᐅᔾᔮᖏᑦᑐᓂ ᑲᑎᖅᓱᒐᓄᑦ.
ᐃᑉᐱᒋᔭᖃᑦᑎᐊᓐᓂᖅ ᐃᓄᐃᑦ ᖃᐅᔨᒪᔭᑐᖃᖏᑦ ᐊᒻᒪᓗ ᑎᑎᕋᖅᑕᐅᓂᒃᑯᑦ ᐅᑎᖅᑎᑕᐅᓇᓱᒍᓐᓇᕐᓂᖏᑦ
ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐃᓕᑕᖅᓯᓯᒪᕗᑦ ᐊᒻᒪᓗ ᖁᕕᐊᓱᒍᑎᒋᓪᓗᓂᐅᒃ ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖃᓐᓂᖏᓐᓂᒃ ᐱᓕᕆᑦᑎᐊᓂᕐᒧᑦ, ᐊᐅᓚᑦᓯᓂᕐᒧᑦ, ᒥᐊᓂᖅᓯᓂᕐᒧᑦ ᐊᒻᒪᓗ ᐋᖅᑭᔅᓱᐃᔪᓐᓇᕐᓂᖏᑕ ᐃᓱᒪᒋᖅᑳᖅᓯᒪᓪᓗᒋᑦ ᓴᓇᐅᒐᓕᐊᕆᓯᒪᔭᖏᑦ ᓇᒻᒥᓂᖃᓐᓂᖏᓐᓂᒃ ᐱᐅᓯᑐᖃᒥᓐᓂᒃ ᐊᑐᖅᓯᒪᔭᒥᓐᓂᒃ, ᖃᐅᔨᒪᔭᑐᖃᕆᔭᒥᓐᓂᒃ ᐊᒻᒪᓗ ᐱᐅᓯᑐᖃᒃᑯᑦ ᐅᖃᐅᓯᐅᕙᒃᑐᓂᒃ ᓲᕐᓗ ᓇᓗᓇᐃᔭᖅᑕᐅᓯᒪᔪᑦ ᐱᔪᓐᓇᐃᑎᑦ ᔫᓇᐃᑎᑦ ᓇᐃᓴᒃᑯᑦ ᓇᓗᓇᐃᖅᓯᔾᔪᑎᖏᑦ ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖃᓐᓂᖏᑕ ᑎᑎᕋᖅᑕᐅᓯᒪᔪᑦ 31-ᖓᓂ. ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐱᓕᕆᐊᖃᒻᒪᑕ ᐃᓄᐃᑦ ᐊᐅᓚᑦᓯᖃᑕᐅᖁᓪᓗᒋᑦ ᓄᓇᓕᒋᔭᒥᓐᓂᒃ ᐊᒻᒪᓗ ᐱᐅᓯᑐᖃᒥᓐᓂᒃ ᖃᐅᔨᒪᔭᑐᖃᕆᔭᒥᓐᓂᒃ ᐊᒻᒪᓗ ᑭᒃᑯᑐᐃᓐᓇᐃᑦ ᐃᓅᓐᖏᑦᑐᑦ ᐅᔾᔨᕈᓱᓕᖅᑎᑕᐅᓗᑎᒃ ᐱᔪᓐᓇᐅᑎᖃᕐᓂᖏᑕ ᐊᒻᒪᓗ ᐊᖏᖅᓯᒪᔾᔪᑎᖃᕆᐊᖃᓐᓂᖏᑦ ᑐᕌᖓᑎᓪᓗᒋᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᑐᖅᐸᓐᓂᖏᓐᓂ.
ᐱᖁᑎᒋᔭᒥᓐᓂᒃ ᑲᑎᖅᓱᒐᓄᑦ ᑐᓂᓯᓂᐊᕈᑎᒃ, ᑐᓐᓂᖅᓴᐃᔪᑦ ᓇᓗᓇᐃᖅᓯᖁᔭᐅᕗᑦ ᐱᖁᑎᒋᔭᖏᑦ ᐃᓗᓕᖃᕈᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑭᒡᒐᖅᑐᐃᓇᓱᒃᑯᑎᓪᓗ ᐅᕝᕙᓘᓐᓃᑦ ᐊᓯᖏᑎᒍᑦ ᐱᐅᓯᑐᖃᕐᒥ ᐊᑦᑐᖅᑕᐅᓴᕋᐃᑦᑐᓂᒃ ᑎᑎᕋᖅᓯᒪᓂᖃᕈᑎᒃ, ᐊᒻᒪᓗ ᓇᓗᓇᐃᖅᓯᔾᔪᑎᓂᒃ ᐃᓚᖃᖅᑎᑦᑕᐅᓪᓗᑎᒃ ᐱᔪᓐᓇᐅᑎᖃᕐᓂᕐᒥᓐᓂᒃ ᐅᕝᕙᓘᓐᓃᑦ ᓈᒻᒪᒋᔭᐅᔾᔪᑎᓂᒃ ᐱᓯᒪᓂᕐᒥᓐᓂᒃ ᑐᓂᓯᔪᓐᓇᕐᓂᕐᒧᑦ ᐱᖁᑎᒥᓂᒃ ᑲᑎᖅᓱᒐᐅᔪᓄᑦ. ᐃᓱᒪᒋᓪᓗᒋᑦ ᐊᒥᓱᑲᓪᓚᐅᔪᑦ ᓇᓗᓇᐃᖅᓯᔾᔪᑎᖏᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᓇᒻᒥᓂᖃᓐᓂᕐᒧᑦ ᐃᓕᓯᖃᓯᐅᑎᔭᕆᐊᖃᕐᓂᕐᓂᒃ ᓇᒻᒥᓂᖃᓐᓂᕐᒥᓐᓄᑦ, ᑎᒍᒥᐊᖅᑎᐅᓂᕐᒥᓐᓄᑦ, ᐅᕝᕙᓘᓐᓃᑦ ᒥᐊᓂᖅᓯᔨᐅᓂᕐᒥᓐᓄᑦ ᐱᔾᔪᑎᖃᖅᑐᓂᒃ - ᐃᓚᖃᕐᒥᓗᒋᑦ ᑲᑎᑕᐅᓯᒪᓕᓚᐅᕐᓂᖏᓐᓄᑦ ᐃᓄᐃᑦ ᐊᐅᓚᑦᑎᔪᒪᓪᓗᑎᒃ ᐅᓪᓗᒥᐅᓕᖅᑐᒧᑦ ᐃᓅᓯᖃᓕᖅᑎᑕᐅᓂᖏᑕ ᐊᑦᑐᖅᑕᐅᓯᒪᓂᖏᓐᓄᑦ ᐱᔾᔪᑎᖃᖅᑐᓂᒃ ᐱᖃᑕᐅᓪᓗᑎᒃ ᓯᐊᒻᒪᒃᑎᑕᐅᓯᓂᖏᑕ ᓄᓇᓕᐅᔪᓄᑦ ᐊᒻᒪᓗ ᐱᐅᓯᑐᖃᖅ ᐃᓕᖅᑯᓯᕆᓚᐅᖅᑕᖏᑦ ᐊᓯᕈᖅᑕᐅᓯᒪᓕᕐᓂᖏᓐᓄᑦ - ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐅᖃᓪᓚᐅᓯᖃᖁᔨᕗᑦ ᓈᒻᒪᑦᑎᐊᖅᑐᒃᑯᑦ ᑕᑯᔅᓴᐅᑎᑦᑎᓗᑎᒃ ᐊᒻᒪᓗ ᐃᓗᓕᕆᔭᖏᑦ ᑎᑎᕋᖅᑕᐅᓯᒪᔪᑦ ᐊᑐᖅᑕᐅᔪᓂᒃ, ᐃᓚᖃᕆᓪᓗᑎᒃ ᐱᖁᑎᑦ ᐲᖅᑕᐅᓯᒪᖁᓪᓗᒋᑦ ᑐᔅᓯᕋᐅᑎᐅᔪᓂᒃ ᐊᒻᒪᓗ ᐅᑎᖅᑎᑦᑎᖁᔨᔾᔪᑎᓂᒃ ᑐᓐᓂᕆᔭᒥᓂᖓᓂᒃ. ᑕᑯᓗᒋᑦ ᐅᓂᒃᑳᖅᓯᒪᔪᑦ ᐊᕕᑦᑐᖅᓯᒪᓂᐊᒍᑦ ᓴᖅᑮᖃᑦᑕᕐᓂᕐᒧᑦ ᑐᓴᒐᔅᓴᓂᒃ ᐱᔾᔪᑎᖃᖅᑐᓄᑦ.
ᐅᖃᐅᓯᓕᕆᓂᕐᒧᑦ ᒪᓕᒐᖅ
ᐃᓄᐃᑦ ᐃᓕᓐᓂᐊᓕᓵᖅᑐᓄᑦ ᐃᓕᓐᓂᐊᖅᑎᑦᓯᔾᔪᑎᒃᓴᑦ ᐃᓚᖃᕐᒪᑕ ᐃᓄᐃᑦ ᐅᖃᐅᓯᖓᓐᓂᒃ, ᐱᐅᓯᑐᖃᖓᓐᓂᒃ ᐊᒻᒪᓗ ᐃᓕᖅᑯᓯᑐᖃᖏᓐᓄᑦ ᐱᔾᔪᑎᖃᖅᑐᓂᒃ. ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐃᓕᑕᖅᓯᓯᒪᖕᒪᑕ ᐃᓄᐃᑦ ᐅᖃᐅᓯᖓᑦ ᑐᖖᒐᕝᕕᒋᔭᐅᒻᒪᑦ ᐃᓄᐃᑦ ᑭᓇᐅᓂᖏᓄᑦ ᐊᒻᒪᓗ ᐊᒃᓱᕈᕈᑎᒋᕙᒻᒪᒍ ᐃᓚᐅᖃᑕᐅᑎᑦᑎᒋᐊᖅᐸᓐᓂᕐᒥᓐᓂ ᐊᒻᒪ ᐅᐱᒋᔭᖃᑦᑎᐊᕆᐊᖅᐸᓐᓂᕐᒥᓐᓂ ᐃᓄᐃᑦ ᖃᐅᔨᒪᔭᑐᖃᖏᓂᒃ, ᐱᐅᓯᑐᖃᕆᔭᖏᓂᒃ, ᐊᒻᒪᓗ ᐅᖃᐅᓯᖓᓐᓂᒃ ᐱᓕᕆᐊᕆᕙᒃᑕᒥᓐᓂ.
ᐃᓄᐃᑦ ᓄᓇᖓᓐᓂ, ᖁᓕᐅᒻᒪᑕ (10) ᐃᓄᒃᑎᑐᑦ ᐅᖃᕈᓯᐅᕙᒃᑐᑦ ᐃᓚᒌᖑᔪᓄᑦ ᐃᓄᒃᑎᑑᓲᓄᑦ, ᐊᑐᓂᓗ ᓇᖕᒥᓂᖅᑕᐅᖅ ᓄᓇᒥᓐᓂ ᐅᖃᕈᓯᖃᖅᐸᒃᑭᓪᓗᑎᒃ.
ᐃᑲᔪᖅᑕᐅᔾᔪᑎᒋᕙᒃᑕᒥᓐᓂ ᐃᓗᐊᓃᑦᑐᓂᑦ, ᐃᓄᐃᑦ ᑕᐱᕇᒃᑯᑦ ᑲᓇᑕᒥ (ITK) ᐱᑕᖃᖅᑎᑦᑎᓯᒪᕗᑦ ᐃᑲᔪᕈᑎᔅᓴᓂᒃ ᖃᕆᑕᐅᔭᑎᒍᑦ ᐱᑐᒃᓯᒪᕝᕕᑦ ᐃᓗᐊᓃᑦᑐᓄᑦ ᐊᒻᒪᓗ ᑲᑎᖅᓱᒐᐅᕙᓪᓕᐊᓪᓗᑎᒃ ᐱᖁᑎᐅᔪᓄᑦ ᐃᒪᓐᓇ ᐅᖃᕈᓯᖃᖅᑐᓂᒃ:
- ᕿᑭᖅᑖᓘᑉ ᓂᒋᐊᓂ ᐃᓄᒃᑎᑐᑦ (ᖃᓂᐅᔭᖅᐸᐃᑎᑐᑦ)
- ᕿᑭᖅᑖᓘᑉ ᓂᒋᐊᓂ ᐃᓄᒃᑎᑐᑦ (ᖃᓕᐅᔭᖅᐸᐃᑎᑐᑦ)
- ᖃᓪᓗᓈᑎᑦᑐᑦ
ᑲᑎᖅᓱᒐᓄᑦ ᑐᓂᓯᓯᒪᖃᑕᐅᔪᑦ ᐃᑲᔪᖅᑐᒐᐅᓯᒪᕗᑦ ᑐᓂᓯᓯᒪᓕᖅᐸᖁᓪᓗᒋᑦ ᐱᖁᑎᓂᒃ ᐅᖃᖅᑕᐅᓯᒪᓂᖃᖅᑎᓪᓗᒋᑦ ᓇᓪᓕᐊᑎᒍᑐᐃᓐᓇᖅ ᐃᓄᒃᑎᑐᑦ/ᐅᖃᕈᓯᖏᑎᒍᑦ ᑎᑎᕋᖅᑕᐅᓯᒪᓗᑎᒃ, ᑭᓯᐊᓂᓗ ᑕᐃᒃᑯᐊ ᐱᖁᑏᑦ ᐅᖃᖅᑕᐅᓯᒪᓂᖃᖅᑐᑦ ᓇᓪᓕᐊᑎᒍᑐᐃᓐᓇᖅ ᐱᖓᓲᓪᓗᑎᒃ ᐅᖃᕈᓯᕐᓂᒃ ᐃᑲᔪᖅᑐᒐᐅᓯᒪᓪᓗᑎᒃ ᐃᓄᐃᑦ ᑕᐱᕇᒃᑯᓐᓂᑦ ᑲᓇᑕᒥ ᓇᓗᓇᐃᔭᖅᑕᐅᓯᒪᓕᕈᓐᓇᕐᓂᐊᕐᒪᑕ ᐊᒻᒪᓗ ᓇᓗᓇᐃᒃᑯᑕᓕᖅᑐᒐᐅᓗᑎᒃ ᑲᑎᖅᓱᒐᓂ ᐃᓚᐅᑎᓐᓇᒋᑦ ᓇᓗᓇᐃᒃᑯᑕᖃᕈᑎᐅᔪᑦ ᐃᑲᔪᖅᑕᐅᓯᒪᓂᖃᖅᑐᑦ ᒫᓐᓇᐅᔪᒥ ᑭᓯᐊᓂ ᖃᓪᓗᓈᑎᑑᕐᑐᒋᑦ.
ᐱᖁᑎᑦ ᒪᒃᐱᕋᖓᓂ ᑐᓴᒐᒃᓴᖁᑎᐅᔪᑦ (ᐃᓚᖃᕐᑎᓪᓗᒋᑦ ᓇᓗᓇᐃᔭᐅᑎᖏᓂᒃ ᐱᖁᑎᓄᑦ ᐊᒻᒪᓗ ᐊᓯᖏᓂᒃ ᓇᓗᓇᐃᔭᐅᑎᓂᒃ ᐱᖁᑎᓄᑦ) ᑕᑯᔅᓴᐅᑎᑕᐅᓂᐊᕐᒪᑕ ᐅᖃᕈᓯᕆᔭᐅᓯᒪᓪᓗᑎᒃ ᑐᓂᔭᐅᓯᒪᓕᓚᐅᕐᓂᖏᑎᒍᑦ.
ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐃᓄᒃᑎᑑᓕᖅᑎᑦᑎᕙᓐᓂᐊᖏᒻᒪᑕ ᐅᕝᕙᓘᓅᓐᓃᑦ ᖃᓕᐅᔭᖅᐸᐃᑎᑐᑦ ᐋᖅᑭᒃᓱᐃᓯᒪᓕᖅᐸᓐᓂᐊᖖᒋᒻᒪᑕ ᒪᒃᐱᕋᓂᒃ ᑐᓴᒐᒃᓴᖁᑎᖃᖅᑐᓂᒃ ᐊᑐᖅᑐᑎᒃ ᐊᓯᖏᓂᒃ ᐅᖃᕈᓯᕐᓂᒃ, ᐃᓚᐅᑎᓐᓇᒋᑦ ᑕᐃᒃᑯᓄᖓ ᐱᖁᑎᓄᑦ ᐊᑐᐃᓐᓇᐅᑎᑕᐅᓯᒪᔪᓄᑦ ᐊᒥᓱᐃᓕᖓᓪᓗᑎᒃ ᐅᖃᕈᓯᕐᓂᒃ ᐊᑐᖅᑐᑎᒃ. ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᑕᒃᑯᓂᖓ ᐱᓕᕆᐊᒃᓴᓂᒃ ᐱᔭᕇᖅᓯᓯᒪᓕᕐᓂᐊᖅᑐᑦ, ᐃᓚᖃᕐᑎᓪᓗᒋᑦ ᐊᓯᖏᓂᒃ ᑐᑭᓕᐅᖅᑕᐅᓯᒪᓕᕆᐊᖃᖅᑐᓂᒃ ᐅᕝᕙᓘᓐᓃᑦ ᖃᓕᐅᔭᖅᐸᐃᑎᑐᑦ ᐋᖅᑭᒃᓱᖅᑕᐅᓯᒪᓕᕆᐊᖃᖅᑐᓂᒃ ᐃᓕᔭᐅᓂᐊᕐᓗᑎᒃ ᖃᕆᑕᐅᔭᑎᒍᑦ ᐱᑐᒃᓯᒪᕝᕕᖓᓄᑦ, ᑭᖑᕙᖅᑎᑕᐅᑦᑕᐃᓕᓯᒪᕙᒃᓗᑎᒃ.
ᐊᒥᓱᐃᑎᒍᑦ ᐅᖃᕈᓯᖅᑎᒍᑦ ᐊᑐᖅᑐᑎᒃ ᐱᖁᑎᐅᔪᑦ (ᑐᑭᖃᖅᐳᖅ ᐱᖁᑎᑦ ᑎᑎᕋᖅᑕᐅᓯᒪᓂᖃᖅᑐᑦ ᓇᓗᓇᐃᔭᐅᑎᖏᑦ ᐅᕝᕙᓘᓐᓃᑦ ᓂᐱᓕᐅᖅᑕᐅᓯᒪᓂᖃᖅᑐᑦ ᐊᒥᓱᐃᑎᒍᑦ ᐅᖃᕈᓯᖅᑎᑑᖅᑐᒋᑦ) ᓇᓗᓇᐃᔭᖅᑕᐅᓯᒪᓕᖅᐸᓐᓂᐊᖅᑐᑦ ᐊᒻᒪᓗ ᐃᓕᐅᖅᑲᕐᑕᐅᓯᒪᓕᕐᓗᑎᒃ ᑐᖅᑯᐊᖃᕐᕕᖏᓄᑦ ᐋᖅᑭᒃᓱᖅᑕᐅᓯᒪᑐᐊᖅᐸᑕ ᐅᖃᕈᓯᕐᓄᑦ ᐃᑲᔪᖅᑐᒐᐅᒪᓪᓗᑎᒃ ᐃᓄᐃᑦ ᑕᐱᕇᒃᑯᓐᓂᑦ ᑲᓇᑕᒥ.
ᐱᓕᕆᐊᔅᓴᕆᔭᑎᑦ
ᐊᔭᐅᕆᕗᒍᑦ ᐃᓕᔅᓯᓐᓂᒃ ᑲᑎᖅᓱᒐᐅᔪᓄᑦ ᐃᓱᒪᒋᖁᓪᓗᑎᒍᑦ ᐅᖃᓕᒫᕐᕕᑦᑎᑐᑦ. ᓲᕐᓗᓕ ᐅᖃᓕᒫᕐᕕᒃ ᐃᓪᓗᕐᔪᐊᖑᑉᐸᑦ, ᐃᓪᓗᕐᔪᐊᑉ ᐃᓗᐊᓃᑦᑐᓂᒃ ᑎᑎᕋᖅᓯᒪᔪᓂᒃ, ᓴᓇᕐᕈᑎᖏᓐᓂᒃ, ᐊᒻᒪᓗ ᐋᖅᑭᔅᓱᖅᑕᐅᓯᒪᓂᖏᓐᓂᒃ ᒪᓕᒐᓂᒃ ᒪᓕᑦᑎᐊᖅᑐᑎᑐᑦ ᐊᑐᕆᐊᖃᕋᕕᑦ, ᐊᒻᒪᓗ ᐅᐱᒍᓱᑦᑎᐊᕐᓗᑎᑦ ᐱᑦᑎᐊᕋᓱᓪᓗᑎᑦ ᐊᑐᕋᔭᕋᕕᒋᑦ ᑲᑎᖅᓱᒐᓃᑦᑐᑦ ᐊᑐᐃᓐᓇᐅᖏᓐᓇᖁᓪᓗᒋᑦ ᐊᑐᖅᑕᐅᔪᓐᓇᑦᑎᐊᕐᓗᑎᒃ ᐅᓄᓛᖑᔪᓄᑦ ᐃᓄᖁᑎᒋᔭᑦᑎᓐᓄᑦ.
ᑎᑎᕋᖅᓯᒪᔪᑦ ᐱᖁᑎᑦ ᑲᑎᖅᓱᒐᓄᑦ ᑐᓂᔭᐅᓂᕆᔭᖏᑦ
ᑐᑭᓯᐅᒪᔾᔪᑎᓂᒃ ᒪᓕᒐᐅᔪᓄᑦ ᑐᕌᒐᖃᖅᑐᑦ ᑎᑎᕋᖅᓯᒪᓪᓗᑎᒃ ᐱᖁᑎᒋᔭᑦ ᑐᓂᓯᓂᕐᒧᑦ ᑲᑎᖅᓱᒐᔪᓄᑦ, ᑕᑯᒋᐊᕈᓐᓇᖅᐸᑎᑦ ᑎᑎᕋᖅᓯᒪᔪᓂᒃ ᑕᐃᔭᐃᓪᓗᑎᒃ ᑲᑎᖅᓱᒐᑦ: ᐃᓄᐃᑦ ᐃᓕᓐᓂᐊᓕᓵᖅᑐᓄᐃᓕᓐᓂᐊᖅᑎᑦᓯᔾᔪᑎᒃᓴᓄᑦ ᑐᓂᓯᓯᒪᓕᕐᓂᐊᕐᓂᕐᒧᑦ ᐊᖏᕈᑎᒋᔭᐅᓯᒪᔪᑦ.
ᑲᑎᖅᓱᒐᓃᑦᑐᓂᒃ ᐊᑐᖅᑕᐅᕙᓐᓂᖏᓐᓄᑦ ᓈᒻᒪᒋᔭᐅᓯᒪᔪᑦ
ᐃᔾᔪᐊᖅᑕᐅᔭᕆᐊᖃᖖᒋᑦᑐᓂᒃ ᑎᒍᒥᐊᖅᑎ ᐊᓯᐊᒍᑦ ᑐᔅᓯᕋᐅᑎᖃᖅᓯᒪᖖᒋᑉᐸᑦ, ᑎᑎᕋᖅᓯᒪᔪᖏᑦ ᐊᑐᖅᑕᐅᕙᒍᓐᓇᕐᓂᐊᖅᑐᑦ ᐃᒪᓐᓇ ᐊᒻᒪᓗ ᑮᓇᐅᔾᔭᔅᓴᓇᓱᐊᖖᒋᓪᓗᑎᒃ ᐊᑐᖅᑕᐅᓂᐊᖅᐳᑦ:
- ᑭᒃᑯᑐᐃᓐᓇᐃᑦ ᐊᒻᒪᓗ ᐃᓛᒃᑰᖅᑐᑦ ᐊᑐᓲᑦ ᐱᖁᑎᓂᒃ ᑎᑎᕋᖅᓯᒪᔭᐅᔪᒥᒃ ᐃᑭᐊᖅᑭᕕᖏᑎᒍᑦ ᐊᒧᓯᔪᓐᓇᖃᑦᑕᕐᓂᐊᖅᐳᑦ.
- ᑭᒃᑯᑐᐃᓐᓇᐃᑦ ᐊᒻᒪᓗ ᐃᓛᒃᑰᖅᑐᑦ ᐃᓄᐃᑦ ᐊᑐᖅᐸᑦᑐᑦ ᐊᒥᓱᓕᐅᕈᓐᓇᖅᐸᓐᓂᐊᖅᑐᑦ ᑎᑎᕋᖅᑕᐅᓯᒪᔪᓂᒃ. ᐃᓚᖃᖅᐳᖅ ᐊᒥᓲᓕᖅᑎᑦᑎᓂᕐᒥᒃ ᑎᑎᕋᖅᓯᒪᔪᒃᑯᑦ ᐊᔾᔨᒌᖏᑦᑐᒃᑯᑦ, ᑐᑭᓕᐅᑎᓗᒍ, ᑎᑎᕋᖅᑕᐅᓂᑯ ᐸᐃᑉᐹᑎᒍᑦ ᑕᑯᔅᓴᕈᖅᑎᓪᓗᒋᑦ.
- ᑭᒃᑯᑐᐃᓐᓇᐃᑦ ᐊᒻᒪᓗ ᐃᓛᒃᑰᖅᑐᑦ ᐃᓄᐃᑦ ᐊᑐᖅᐸᑦᑐᑦ ᐊᔾᔨᖏᓐᓂᒃ ᐊᒥᓱᓕᐊᖑᓯᒪᔪᓂᒃ ᐱᖁᑎᓂᒃ ᐊᒥᖅᑳᖃᑎᖃᖃᑦᑕᕈᓐᓇᕐᓂᐊᖅᐳᑦ ᐊᓯᒥᓐᓂᒃ.
- ᑭᒃᑯᑐᐃᓐᓇᐃᑦ ᐊᒻᒪᓗ ᐃᓛᒃᑰᖅᑐᑦ ᐃᓄᐃᑦ ᐊᔾᔨᒌᖖᒋᑦᑐᑎᒍᑦ ᐊᖅᑭᒋᐊᖅᓯᔪᓐᓇᖅᑐᑦ ᓴᓇᔭᐅᓯᒪᔪᒥᒃ ᐊᓯᖏᓐᓄᑦ ᐃᓄᓐᓅᖓᔪᓄᑦ, ᐃᓕᓐᓂᐊᓕᓵᕈᑎᓄᑦ ᐃᓗᓕᖃᕈᑎᒃ. ᐃᓚᖃᒻᒥᒋᓪᓗᓂ ᐱᓕᕆᓂᐅᔪᓂᒃ ᓲᕐᓗ ᑕᕐᕆᔮᔅᓴᒥᒃ ᓴᓇᓂᖅ ᓂᐱᓕᐅᖅᓯᒪᔪᒃᑯᓪᓗ ᑎᑎᕋᖅᑕᐅᓯᒪᔪᒥᒃ ᐊᒻᒪᓘᓐᓃᑦ ᓄᓇᕕᖕᒧᑦ-ᐊᑦᑐᐊᔪᖅ ᓱᓇᒃᑯᑖᖅ ᐊᑐᕚᒥ ᑕᑯᔅᓴᕈᖅᑎᓪᓗᒍ.
- ᑭᒃᑯᑐᐃᓐᓇᐃᑦ ᐊᒻᒪᓗ ᐃᓛᒃᑰᖅᑐᑦ ᐃᓄᐃᑦ ᐊᑐᖅᐸᑦᑐᑦ ᑐᑭᓕᐅᕆᔪᓐᓇᖅᐳᑦ ᑎᑎᕋᖅᑕᐅᓯᒪᔪᖏᓐᓂᒃ ᐊᓯᖏᓐᓄᑦ ᐅᖃᐅᓯᕐᓄᑦ.
ᓇᓗᓇᐃᔭᐅᑎᑦ ᖃᓄᖅ ᐃᔾᔪᐊᖅᑕᐅᔭᕆᐊᖃᖖᒋᑦᑐᓂᒃ ᑎᒍᒥᐊᖅᑎ ᓇᓗᓇᐃᖅᓯᒪᓪᓗᒍ ᐱᖁᑎᒥᓐᓄᑦ ᐊᖏᕈᑎᖃᒻᒪᖔᑦ ᐊᑐᖅᑕᐅᔪᓐᓇᖅᑎᑦᑎᓂᕐᒧᑦ ᓇᓂᔭᐅᔪᓐᓇᖅᐳᑦ ᐊᑐᓂ ᒪᑉᐱᒐᖏᓐᓂᑦ ᖃᕆᑕᐅᔭᑎᒍᑦ ᑕᐃᔭᐅᓂᖃᖅᑐᓂ "ᐃᔾᔪᐊᖅᑕᐅᔭᕆᐊᖃᖖᒋᓐᓂᖓᓄᑦ ᑐᓴᒐᒃᓴᖁᑏᑦ" (ᐃᔾᔪᐊᖅᑕᐅᔭᕆᐊᖃᖖᒋᓐᓂᖓᓄᑦ ᑐᓴᒐᒃᓴᖁᑏᑦ | Copyright information | Ijjuaqtaujariaqannginninganut tusagaksaqutiit).
ᑲᑎᖅᓱᒐᐅᔪᓂᑦ ᑎᑎᕋᖅᑕᐅᓯᒪᔪᑦ ᐊᑐᕐᓂᐊᕈᕕᒋᑦ ᐅᕝᕙᓘᓐᓃᑦ ᐊᑐᒃᑲᓐᓂᕐᓂᐊᕈᕕᒋᑦ:
- ᐱᓕᕆᔭᐅᓯᒪᓂᐊᓂᒃ ᓇᓗᓇᐃᕐᓗᒍ, ᐃᓕᑕᕆᓯᒪᓗᒍ, ᐊᒻᒪᓗ ᑕᐃᓯᒪᓗᒍ ᑎᑎᕋᖅᑎᐅᓚᐅᖅᑐᖅ(ᑐᑦ) ᐊᒻᒪᓗ/ᐅᕝᕙᓘᓐᓃᑦ ᐃᔾᔪᐊᖅᑕᐅᔭᕆᐊᖃᖖᒋᑦᑐᓂᒃ ᑎᒍᒥᐊᖅᑎᐅᔪᖅ(ᔪᑦ) ᓇᓗᓇᐃᔭᖅᓯᒪᓗᒋᑦ ᐅᖃᖅᓯᒪᖖᒋᑉᐸᑕ ᐱᔪᓐᓇᐅᑎᒋᔭᒥᓐᓂᒃ ᐊᑐᕈᓐᓃᖅᑎᑦᑎᔪᒪᓂᕐᒥᓐᓂᒃ. ᑕᐃᒪᓕ ᐱᖁᑎᐅᔪᑦ ᐃᓗᓕᖃᖅᐸᑕ ᐱᔾᔪᑎᖃᕐᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐱᓕᕆᔪᕕᓃᑦ ᓇᓗᓇᐃᓪᓗᒋᑦ, ᐃᓕᑕᕆᓯᒪᓗᒋᑦ, ᐊᒻᒪᓗ ᑕᐃᓯᒪᓗᒋᑦ ᓄᓇᓕᐅᔪᖅ ᓄᓇᓕᒋᔭᐅᔪᓪᓘᓐᓃᑦ.
- ᑕᒪᕐᒥᒃ ᐃᔾᔪᐊᖅᑕᐅᔪᓐᓇᖖᒋᑦᑐᓄᑦ ᑎᒍᒥᐊᖅᑎᐅᔪᑦ ᑐᑭᓯᒋᐊᕐᕕᒋᔭᕆᐊᖃᖅᐸᑎᑦ ᖃᐅᔨᒪᓪᓚᕆᖖᒋᒃᑯᕕᑦ ᐊᖏᖅᑕᐅᓯᒪᒐᓗᐊᕐᒪᖔᖅᐱᑦ ᐱᖁᑎᒋᔭᒧᑦ ᐊᑐᕈᓐᓇᓐᓃᑦ ᐅᕝᕙᓘᓐᓃᑦ ᖃᓄᐃᓕᖅᑎᓯᒪᓗᒋᑦ ᐃᓗᓕᕆᔭᖏᓐᓂᒃ ᐊᑐᕈᓐᓇᕐᒪᖔᖅᐱᑦ.
- ᐊᑐᕈᑎᒋᔭᑎᑦ ᖁᓛᒍᑦ ᒥᑭᓪᓕᒋᐊᖅᑎᑦᑎᑦᑕᐃᓕᔭᕆᐊᓖᑦ ᐱᐅᑦᑎᐊᕐᓂᖏᓐᓂᒃ ᐊᒻᒪᓗ ᐊᑐᖅᑕᐅᖁᔭᐅᓂᖏᓐᓂᒃ ᐱᖁᑎᐅᔪᑦ, ᐃᓗᓕᕆᔭᖏᓐᓂᒃ, ᐅᕝᕙᓘᓐᓃᑦ ᑎᑎᕋᖅᑎᐅᔫᑉ(ᔪᑦ) ᑎᑎᕋᖅᓯᒪᔪᖁᑎᐅᔪᓄᑦ.
- ᐊᑐᕐᓂᕆᔭᐃᑦ ᓱᓕᖖᒋᓪᓗᑎᑦ ᐊᑐᕆᐊᖃᖖᒋᓚᑦ ᐱᖁᑎᐅᔪᑦ ᐊᑐᖅᑎᓪᓗᑎᑦ ᐊᑎᓕᐅᖅᑕᐅᓯᒪᓂᕋᕐᓗᒋᑦ ᑎᑎᕋᖅᑎᐅᔪᒥᑦ(ᓂᑦ) ᐊᒻᒪᓗ/ᐅᕝᕙᓘᓐᓃᑦ ᐅᖃᓕᒫᒐᓕᐅᖅᑎᐅᔪᒥᑦ ᐅᕝᕙᓘᓐᓃᑦ ᐃᓚᒋᔭᐅᖃᑕᐅᓕᓚᐅᕐᓂᕐᓂᒃ ᑎᑎᕋᖅᑎᐅᔪᒧᑦ(ᓄᑦ) ᐊᒻᒪᓗ/ᐅᕝᕙᓘᓐᓃᑦ ᐅᖃᓕᒫᒐᓕᐅᖅᑎᐅᔪᒧᑦ.
ᐃᑭᐊᖅᑭᕕᒃᑯᑦᐊᑐᕈᓐᓇᕐᓃᑦ ᐊᔪᓐᖏᑎᑕᐅᔪᑦ
ᐃᑭᐊᖅᑭᕕᒃᑯᑦ ᑲᑎᖅᓱᒐᑦ ᐊᑐᖅᑎᓪᓗᑎᑦ:
- ᐱᖁᔭᓄᑦ ᓇᓗᓇᐃᖅᑕᐅᓯᒪᔪᒃᑯᑦ ᐊᑐᕆᐊᖃᖅᑕᐅᔪᑑᒻᒪᑕ ᐃᓕᓐᓄᑦ.
- ᐃᓕᖅᑯᓯᖃᕆᐊᖃᖖᒋᓚᑎᑦ ᐅᕝᕙᓘᓐᓃᑦ ᑐᓂᓯᔭᕆᐊᖃᖖᒋᓚᑎᑦ ᑎᑎᕋᖅᓯᒪᔪᓂᒃ ᐋᓐᓂᖅᑎᕆᔾᔪᑎᓂᒃ, ᑲᑉᐱᐊᓵᕆᔾᔪᑎᓂᒃ, ᓱᓕᓇᑎᒃ ᖃᓄᐃᓐᓂᕋᐃᔪᓂᒃ, ᐃᓚᐃᓐᓈᕆᓯᒪᔪᓂᒃ, ᐸᕝᕕᓵᕆᔪᓂᒃ, ᐅᕝᕙᓘᓐᓃᑦ ᐊᓯᕈᖅᑎᕆᔪᓂᒃ.
ᑲᑎᖅᓱᒐᓃᑦᑐᓂᑦ ᐅᖃᐅᓯᖃᕈᕕᑦ, ᐃᓕᑕᖅᓯᔭᕆᐊᖃᖅᐳᑎᑦ ᐊᒻᒪᓗ ᑕᐃᓯᒪᓗᒋᑦ ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᓇᒻᒥᓂᖃᖅᑎᐅᓂᖏᓐᓂᒃ ᑲᑎᖅᓱᒐᓂᒃ ᐊᒻᒪᓗ ᐃᔾᔪᐊᖅᑕᐅᔭᕆᐊᖃᖖᒋᑦᑐᓂᒃ ᑎᒍᒥᐊᖅᑎᐅᓂᖏᓐᓄᑦ ᓇᓕᑐᐃᓐᓇᖏᓐᓂᒃ ᐃᑭᐊᖅᑭᕕᐊᑕ ᐃᓗᐊᓃᑦᑐᓂᒃ ᑲᑎᖅᓱᐊᖑᔪᓃᖖᒋᑦᑑᑉᐸᑕ ᐱᖁᑎᐅᔪᑦ (ᓲᕐᓗ, ᑐᑭᓯᒋᐊᕐᓗᒍ ᒪᑉᐱᒐᓂ ᑎᑎᖅᑲᐃᑦ).
ᑐᓴᖅᑎᑦᑎᓯᒪᓂᖅ ᒪᓕᑦᑕᐅᒋᐊᓕᓐᓂᒃ ᓯᖁᒥᑦᑎᔪᓄᑦ ᐊᒻᒪᓗ ᐲᖅᑕᐅᖁᔨᓂᕐᒧᑦ ᑐᔅᓯᕋᐅᑎᒋᔭᖏᑦ ᐅᕝᕙᓘᓐᓃᑦ ᐱᖁᑎᐅᔪᓄᑦ ᐅᑎᖅᑎᑦᑎᓇᓱᐊᓐᓂᕐᒧᑦ
ᑲᖖᒍᓇᖅᑑᑎᓗᒋᑦ ᑐᓴᖅᑎᑦᑎᔪᒪᒍᕕᑦ ᒪᓕᑦᑕᐅᒋᐊᓕᓐᓂᒃ ᓯᖁᒥᑦᑎᓯᒪᔪᖅ ᐱᔾᔪᑎᒋᓗᒍ ᐊᒻᒪᓗ/ᐅᕝᕙᓘᓐᓃᑦ ᐅᑉᐱᕈᓱᒃᑯᕕᑦ ᖃᓄᐃᓐᓂᐅᓚᐅᖅᑐᖅ ᐱᔾᔪᑎᒋᓪᓗᒍ ᐱᖁᑎᐅᔪᑦ ᐲᖅᑕᐅᔭᕆᐊᖃᕐᓂᖏᓐᓂᒃ ᑲᑎᖅᓱᐊᖑᔪᓂᑦ, ᐃᕐᖐᓐᓇᐅᑎᒃᑯᑦ ᑎᑎᕋᐅᓯᕆᔪᓐᓇᖅᐸᑎᑦ ᐅᕗᖓ katiqsugat@itk.ca. ᐊᔪᕈᓐᓃᑐᐊᕈᑦᑕ ᑐᓴᖅᑎᑦᑎᓂᐊᖅᑐᒍᑦ ᓴᖅᑭᑕᐅᔪᓂᒃ ᐱᓯᒪᓕᕐᓂᑦᑎᓐᓂᒃ; ᑕᐃᒪᓗ ᖃᐅᔨᒋᐊᕐᓂᖃᓕᕋᔭᕐᓗᑕ ᐊᒻᒪᓗ ᐃᓱᒪᓕᐅᕈᑎᒋᓯᒪᓕᕐᓗᒍ ᖃᓄᖅ ᓈᒻᒪᓐᓂᖅᐹᑎᒍᑦ ᐱᓕᕆᐊᖑᓕᕐᓂᐊᕐᒪᖔᑦ.
ᐅᔾᔨᕈᓱᒻᒥᔪᒍᑦ ᐃᓛᓐᓂᑦ ᑭᒃᑯᑐᐃᓐᓇᐃᑦ ᐅᔾᔨᕈᓱᓐᓇᑎᒃ ᒪᓕᑦᑕᐅᒋᐊᓕᓐᓂᒃ ᐃᓚᖏᓐᓂᒃ ᑐᑭᓯᐅᒪᑦᑎᐊᖖᒋᓪᓗᑎᒃ ᑭᓱᓕᕆᔪᑦ ᐃᔾᔪᐊᖅᑕᐅᔭᕆᐊᖃᖖᒋᑦᑐᓂᒃ ᓯᑯᒥᑦᑎᓯᒪᓕᖅᑎᑦᑎᔪᓐᓇᕐᓂᖏᑕ ᐅᕝᕙᓘᓐᓃᑦ ᐊᓯᖏᒍᑦ ᓈᒻᒪᖖᒋᑦᑐᒥᒃ ᐃᓕᖅᑯᓯᖃᖅᓯᒪᓂᐊᓄᑦ ᐃᓱᒪᒋᔭᐅᕙᒃᑐᓂᒃ. ᑕᐃᒪᓐᓇᐃᓕᖓᓕᕐᓂᖅᐸᑦ, ᐃᖅᑲᐃᑎᒋᐊᖅᐸᓐᓂᐊᖅᐸᓯ ᐅᕝᕙᓘᓐᓃᑦ ᐅᖃᓕᒫᖅᓯᒪᓕᖁᓗᒋᑦ ᑖᒃᑯᓇᓂ ᐅᖃᖅᓯᒪᓂᖏᑦ. ᐊᔪᕐᓇᖅᓯᑉᐸᑦ ᐱᓕᕆᐊᖑᔭᕆᐊᖃᕐᓂᖓ ᑲᒪᒋᔭᐅᓇᓱᓪᓗᓂ, ᐅᓂᒃᑳᕆᔪᓐᓇᕐᒥᔭᑦ ᑲᖖᒍᓇᖅᑑᑎᓯᒪᓗᒍ ᑎᑎᕋᕈᑎᒋᓗᒍ ᐃᕐᖐᓐᓇᐅᑎᒃᑯᑦ ᐅᕗᖓ katiqsugat@itk.ca.
ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐊᑭᓖᔭᕆᐊᖃᕐᓂᖏᑕ ᑭᓪᓕᖃᖅᑎᑕᐅᓂᖏᑦ
ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐊᑭᓖᔭᕆᐊᖃᖖᒋᓚᑦ ᓈᒻᒪᖖᒋᑦᑐᑎᒍᑦ ᐱᖁᑎᒋᔭᑦ ᑎᑎᕋᖅᑕᐅᓯᒪᓪᓗᑎᒃ ᑲᑎᖅᓱᒐᖏᓐᓃᑦᑐᓂᒃ ᐊᑐᖅᐸᑦᑐᓂᑦ ᐅᕝᕙᓘᓐᓃᑦ ᐱᖓᔪᒋᔭᐅᓪᓗᑎᒃ ᐊᑐᖅᐸᑦᑐᑦ ᐊᑐᖅᑕᐅᓂᕆᔭᖏᓐᓄᑦ. ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐊᑭᓖᔭᕆᐊᖃᖖᒋᓚᑦ ᑕᒻᒪᖅᓯᒪᓪᓗᑎᒃ ᑐᓴᒐᔅᓴᖁᑎᖏᑕ ᑎᑎᕋᖅᑕᐅᓯᒪᓂᖏᓐᓂ ᑲᑎᖅᓱᒐᖏᓐᓃᑦᑐᓂᒃ. ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐱᓕᕆᐊᖃᖅᑎᑕᐅᔭᕆᐊᖃᖖᒋᑦᑐᑦ ᐊᓯᐅᔨᔭᐅᓯᒪᔪᓂᑦ ᑮᓇᐅᔾᔭᔅᓵᕆᔭᔅᓴᓄᑦ, ᐅᑎᖅᑐᔅᓴᖁᑎᓂᒃ, ᐅᕝᕙᓘᓐᓃᑦ ᑐᑭᓯᒋᐊᕈᑎᓂᒃ; ᑮᓇᐅᔭᑎᒍᑦ ᐊᓯᐅᔨᓯᒪᓂᖅ ᐅᕝᕙᓘᓐᓃᑦ ᓲᕐᓗ ᓴᓂᕌᑎᒍᑦ, ᖃᓄᐃᓐᓂᖃᖅᑎᓪᓗᒍ, ᖃᓄᐃᓕᓯᒪᑎᑕᐅᓪᓗᑎᒃ, ᐃᓚᒋᔭᐅᖃᑕᐅᖖᒋᑦᑐᑎᒃ ᐅᕝᕙᓘᓐᓃᑦ ᐋᖅᑭᔅᓯᔾᔪᑕᐅᓪᓗᑎᒃ ᐊᑭᓕᐅᑎᒋᔭᐅᔪᓂᒃ ᑕᐃᒪᓐᓇᐃᑎᑕᐅᓪᓗᑎᒃ ᑐᓂᔭᐅᓯᒪᓂᖏᓐᓂᑦ ᐅᕝᕙᓘᓐᓃᑦ ᐊᑐᖅᑕᐅᓂᖏᓐᓄᑦ ᑲᑎᖅᓱᐊᖑᔪᓂᑦ ᐅᕝᕙᓘᓐᓃᑦ ᑲᑎᖅᓱᒐᖏᑎᒍᑦ ᐊᑐᖅᑕᐅᓂᖏᓐᓂᑦ.
ᐊᑐᖅᐸᑦᑐᑦ ᑲᑎᖅᓱᒐᓂᑦ ᖃᓄᐃᖖᒋᑎᑦᑎᔭᕆᐊᖃᖅᐳᑎᑦ ᐊᒻᒪᓗ ᐸᓯᔭᔅᓴᐅᑎᑦᑎᔾᔮᓇᓯ ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐃᓚᒋᔭᐅᔪᓄᑦ ᑖᒃᑯᓄᖓ ᑎᒥᐅᔪᒧᑦ, ᐃᓱᒪᑕᕆᔭᖏᑦ, ᐱᓕᕆᔨᖏᑦ ᐊᒻᒪᓗ ᐃᖅᑲᓇᐃᔭᖅᑎᖏᑦ ᓇᒻᒥᓂᖃᕐᓂᕋᐃᑉᐸᑕ ᐃᖅᑲᖅᑐᐃᔨᑎᒎᖅᑐᓂᒃ ᐅᕝᕙᓘᓐᓃᑦ ᐱᓕᕆᐊᖑᑎᑦᑎᓯᒪᓂᖏᓐᓂᑦ ᑕᐃᒪᐃᑎᑕᐅᓗᑎᒃ ᑐᓂᓯᓚᐅᕐᓂᐅᔪᓂᑦ ᐅᕝᕙᓘᓐᓃᑦ ᐊᑐᖅᑕᐅᕙᖕᓂᖏᑕ ᑲᑎᖅᓱᐊᖑᔪᑦ ᐅᕝᕙᓘᓐᓃᑦ ᓯᖁᒥᑦᓯᓚᐅᕐᓂᒻᒥᒃ ᑖᒃᑯᓂᖓ ᒪᓕᑦᑕᐅᒋᐊᓕᓐᓂᑦ ᐃᓕᓐᓄᑦ ᓇᒻᒥᓂᖅ ᐊᓯᐊᓂᑦ ᐊᑐᖅᑐᒥᑦ ᑐᓂᓯᓚᐅᖅᑐᒥᓪᓘᓐᓃᑦ.
ᑲᙳᓇᖅᑎᑦᑎᓂᖅ ᑲᑎᖅᓱᐃᓂᐅᔪᓄᑦ ᐊᑐᖅᑕᐅᓂᖏᑕᓗ ᐃᓕᓐᓅᖓᔪᑦ ᑐᑭᓯᐅᒪᔾᔪᑏᑦ
ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐃᑉᐱᒋᔭᖃᑦᑎᐊᖅᑐᑦ ᐊᒻᒪᓗ ᓇᒻᒥᓂᖅ ᐃᓕᓐᓄᑦ ᑐᕌᖓᔪᑦ ᑐᓴᒐᔅᓴᖁᑎᒋᔭᑎᑦ. ᑐᓂᓯᓂᐊᖅᑎᓪᓗᑎᑦ ᐱᖁᑎᓐᓂᒃ ᐊᐱᕆᔭᐅᒐᕕᑦ ᐃᓕᓐᓄᑦ ᐱᔾᔪᑎᖃᖅᑐᑎᒃ ᑐᓴᒐᔅᓴᖁᑎᑦ ᐃᓚᖃᕐᓗᒋᑦ ᐊᑏᑦ ᐃᕐᖐᓐᓇᐅᑎᒃᑯᓪᓗ ᑐᕌᕈᑎᓐᓂᒃ ᑎᑎᕋᖁᔭᐅᓪᓗᑎᑦ. ᐅᖃᖅᓯᒪᖖᒋᑐᐊᕈᕕᑦ ᑭᓇᐅᓂᕐᓄᑦ ᑐᓴᖅᑕᐅᔪᒪᖖᒋᓐᓂᕐᓂᒃ, ᓯᕗᓪᓕᖅ ᐊᒻᒪᓗ ᑭᖑᓪᓕᖅ ᐊᑎᖅᑎᑦ, ᓲᕐᓗ ᓇᓗᓇᐃᔭᖅᑕᐅᓯᒪᒻᒪᑕ ᑐᓂᓯᓂᕐᒧᑦ ᑕᑕᑎᕆᐊᓕᖏᒍᑦ, ᑎᑎᕋᖅᑕᐅᓯᒪᓂᐊᕐᒪᑕ ᑲᑎᖅᓱᒐᓄᑦ. ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᓴᖅᑮᕙᖕᓂᐊᖖᒋᓚᑦ ᑭᒃᑯᑐᐃᓐᓇᓐᓄᑦ ᐱᔾᔪᑎᖃᖅᑐᑦ ᑐᓴᒐᔅᓴᖁᑎᒋᔭᕐᓂᒃ. ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᖃᐅᔨᒪᓗᑎᒃ ᑲᑎᖅᓱᐃᔾᔮᓐᖏᓚᑦ ᐃᒻᒥᒃᑰᖓᔾᔪᑎᓂᒃ ᐊᕐᕌᒍᖃᖅᑐᓄᑦ ᑐᖔᓄᑦ 18.
ᐃᓕᓐᓄᑦ ᓇᒻᒥᓂᖅ ᐱᔾᔪᑎᖃᖅᑐᑦ ᑐᓴᒐᔅᓴᖁᑎᒋᔭᐅᔪᑦ ᐊᒥᖅᑲᖅᑕᐅᕙᓐᓂᐊᖅᑐᑦ ᑲᑎᒪᔨᕋᓛᓄᑦ. ᑖᒃᑯᐊ ᐃᓚᒋᔭᐅᖃᑕᐅᔪᑦ ᑖᒃᑯᓂᖓ ᑐᓴᒐᔅᓴᖁᑎᓂᒃ ᐊᑐᕈᓐᓇᖅᑎᑕᐅᔪᑦ ᕿᒥᕐᕈᓂᕐᒥᓐᓄᑦ ᑎᑎᕋᖅᓯᒪᔪᖁᑎᓐᓂᒃ ᑐᓂᓚᐅᖅᑕᕐᓂᒃ ᑖᔅᓱᒨᓇᑐᐊᖅ.
ᑲᑎᖅᓱᒐᖓᓂᒃ ᐊᑐᕐᓂᐊᕈᕕᑦ, ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᖃᕆᑕᐅᔭᑎᒍᑦ ᓴᓇᕐᕈᑎᓂᒃ ᐊᑐᑐᐃᓐᓇᕆᐊᖃᖅᐳᑦ ᑲᑎᖅᓱᐃᔾᔪᑎᒋᓂᐊᕐᓗᒋᑦ ᖃᓄᐃᓕᖓᓕᖅᓯᒪᓂᐅᔪᓂᒃ; ᑭᓯᐊᓂᓗ, ᓇᒻᒥᓂᖅ ᑐᕌᖓᔪᓂᒃ ᑲᑎᖅᓱᐃᕙᓐᓂᐊᖖᒋᓚᑦ. ᑕᒪᒃᑯᐊ ᖃᕆᑕᐅᔭᑎᒍᑦ ᓴᓇᕐᕈᑏᑦ ᑎᒍᓯᓯᒪᔾᔪᑎᐅᕙᒻᒪᑕ ᖃᕆᑕᐅᔭᑎᒍᑦ ᐆᑦᑑᑕᐅᔪᑦ ᐊᑐᐊᒐᓂᒃ (IP) ᑐᕌᕈᑎᖏᓐᓂᒃ ᖃᕆᑕᐅᔭᐅᑉ ᐊᑦᑕᑕᖅᓯᒪᔪᓄᑦ ᐃᑭᐊᖅᑭᕕᐊᒍᑦ, ᐅᓪᓗᖓᓂᒃ ᖃᖓᐅᓂᖓᓂᓪᓗ ᐃᑭᐊᖅᑭᕕᐊᓅᖅᑐᓄᑦ, ᓇᓕᖏᓐᓂᒃ ᒪᑉᐱᒐᖏᓐᓂᒃ ᕿᒥᕐᕈᓚᐅᖅᑕᖏᑦ ᐊᒻᒪᓗ ᕿᓂᕈᑎᐅᓚᐅᖅᑐᑦ. ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐊᑦᑕᑕᖅᓯᒪᑎᑦᑎᓂᐊᖖᒋᑦᑐᑦ ᑖᒃᑯᓄᖓ IP-ᖑᔪᓄᑦ ᑐᕌᕈᑎᖏᓐᓄᑦ ᐃᓄᓐᓄᑦ ᐃᑭᐊᖅᑭᕕᐊᒍᑦ ᑲᑎᖅᓱᐊᓂᒃ ᐊᑐᖅᐸᒃᑐᓄᑦ.
ᐋᖅᑭᒋᐊᖅᑕᐅᓯᒪᓂᖏᑦ
ᐃᓄᐃᑦ ᑕᐱᕇᕐᑯᑦ ᑲᓇᑕᒥ, ᐃᓛᓐᓂᒃᑯᑦ, ᑎᑎᕋᖅᑕᐅᓯᒪᓂᖏᓐᓂᒃ ᐋᖅᑮᒋᐊᖅᓯᑐᐃᓐᓇᕆᐊᓖᑦ, ᓲᕐᓗ, ᑕᑯᔅᓴᐅᑎᑦᑎᒋᐊᕐᓗᑎᒃ ᐋᓐᑎᐊᕆᐅᒥ ᐳᕌᕕᓐᓯᖓᑕ ᐊᒻᒪᓗ ᑲᓇᑕᐅᑉ ᓄᓇᕐᔪᐊᖓᓂ ᐊᓯᔾᔨᖅᑕᐅᒐᔭᖅᐸᑕ. ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᑎᑎᕋᖅᓯᒪᓂᖏᓐᓂᒃ ᐋᖅᑮᒋᐊᖃᑦᑕᕐᓂᐊᖅᐳᑦ ᐋᖅᑭᒋᐊᕈᑎᐅᔪᑦ ᐃᑭᐊᖅᑭᕕᐊᒍᑦ ᐃᓕᐅᖅᑲᐃᕙᒡᓗᑎᒃ ᐊᒻᒪᓗ ᐅᓪᓗᒥᒧᑦ ᑐᓐᖓᓕᕆᐊᖅᐸᓪᓗᒋᑦ ᑭᖑᓪᓕᕐᒥᒃ ᐋᖅᑭᒋᐊᖅᑕᐅᓚᐅᕐᓂᕆᔭᖏᓐᓂᒃ. ᐋᖅᑭᒋᐊᕈᑎᖏᓐᓂᒃ ᑕᑯᔅᓴᐅᑎᑦᑎᑎᓪᓗᑎᒃ, ᐅᓪᓗᒥᒧᑦ ᑎᑎᕋᖅᑕᐅᓯᒪᓂᖏᑦ ᐊᑐᓕᖅᑎᑎᑕᐅᕙᓐᓂᐊᖅᑐᑦ. ᐊᑐᕈᕕᑦ ᑲᑎᖅᓱᒐᖓᓂᒃ ᐊᒻᒪᓗ ᑲᑎᖅᓱᐊᖑᔪᑦ ᑐᑭᖃᖅᑐᖅ ᓈᒻᒪᔅᓴᓐᓂᕐᒥᒃ ᐋᖅᑭᒋᐊᕈᑎᐅᓯᒪᓕᖅᑐᓂᒃ ᐊᒻᒪᓗ ᐃᓗᐃᒃᑲᐅᓪᓗᒋᑦ ᒪᓕᑦᑕᐅᖁᔭᐅᓯᒪᓂᐅᔪᓄᑦ.
ᒪᓕᒐᖁᑎᐅᔪᑉ ᐊᑐᓕᖅᑎᑕᐅᓯᒪᓂᖓ
ᐅᑯᐊ ᐊᖏᕈᑎᐅᔪᑦ ᒪᓕᒐᖁᑎᒋᔭᐅᔪᑦ ᐊᐅᓚᑕᐅᓂᖃᕐᒪᑕ ᐋᓐᑎᐊᕆᐅ ᐳᕌᕕᓐᓯᖓᓂ ᒪᓕᒐᖁᑎᒋᔭᖏᓐᓄᑦ, ᐊᒻᒪᓗ ᐊᑐᓕᖅᑎᑕᐅᓯᒪᒋᐊᖃᕈᑎᒃ, ᑲᓇᑕᐅᑉ ᓄᓇᕐᔪᐊᖓᑕ ᐱᖁᔭᖁᑎᖏᓐᓂᑦ.
ᐅᕙᑦᑎᓐᓂᒃᑐᓴᖅᑎᑦᑎᓗᑎᑦ
ᑐᓐᖓᓴᐃᑐᐃᓐᓇᖅᐳᒍᑦ ᑐᓂᓯᒍᕕᑦ ᐃᓱᒪᒋᔭᕐᓂᒃ ᑕᒪᑐᒧᖓ ᐊᐱᖅᑯᑎᔅᓴᓂᓪᓗ. ᐊᑏᒃ ᑎᑎᕋᕐᕕᒋᓚᐅᖅᑎᒍᑦ.