ᐃᓄᒃᑎᑐᑦ - ᑖᓐᓇ ᓇᕿᓪᓗᒍ | English - Click here
Tunngngasugit Katiqsuganut: Inuit Ilinnialisaaqtunut Ilinniaqtittijjutiksanginut.
Inungnut ilitsivallialisaaqtunut pivalliatittiniujuit iniqaliqtittisimammata Inuit surusingita piruqsavalliatitauningit, aanniarnaqaliqtailimatitauningit ammalu qanuinnggittiaqtitauningitalu sivulliqpautitaksanngguqtitaulaurmat. Pitaqannggitillugit Inungnut turaangallutik ilitsivallialisaaqtunut ilinniarutiksanut ilinniaqtittijjutiksanik, Inuit Tapiriikkut Kanatami, piliriqatigillugit surusinginik Inuit pairivvilirinirmut aaqqiksuijigijaujunik Inuit Nunalilimaangini, taakkuninga qaritaujatigut pituksimavviksanik katiqsuisivallianirmut aaqqiisimalilaurmata piusituqakkut ammalu uqausilirinikkut naammaktuullutik ilinniaqtittijjutiksanik surusinginut Inuit ammalu ilagiingujunut.
Taakkunani katiqsuangusimajuni, nanisiqattarniaravit ajjigiinnggiuqtunik titiraqtausimajuqutinik, maligaqutilirinirmut uqalimaagarnit, ilinniaqtittijjutiksaullutik sanarrutinik ammalu nirijaksaliuqpannirmut parnautiksanut, pilirianguliqtitaujunnaqtunut surusirnut ammalu sivulliqpaullutik qaujisarutiulauqsimajunut Inuit mikijunut surusirnut pivalliatittisijjutiksalirinirni. taakkua titiraqtausimajuit aturniqaqtuutitauqugaluaqpavut ilinniaqtittijinut, ilisaijinut, surusirnik pairivvingni aulatsijiujunut, pijittiraqtiujunut ammalu angajuqqaarijaujunut nunaqaqtuullutik Inuit Nunalilimaanginni ammalu Canada-miungujunut.
Katiqsuarijausimajut Inuit Tapiriikkunnit Kanatami (ITK) piliriangugiaqsimatitaummat, Canada-limaami Inuit katujjiqatigiigijangita. ikajuqtigiingniqaqtutik pilirianguliqsimavut ITK-kut Aanniaqarnannggittulirijit ammalu Inuusilirinirmi Pivalliajulirijinginit ammalu Inuit Qaujisarvingannit (ITK-kut Inuit Qaujimajanginut pilirivviannit) ikajurutiksaullutik qaujimanirijaminnik tunisimaliqattautiniksanginik inuit nunaligijanginni ammalu piuniqsaujukkut tusagaksaqutiujunik Inuit ilitsivallialisaaqtunut ilinniarutiksanik atuinnautittivalirajarnirmut, surusirnik piruqsiijjusiuvaktunut ammalu angajuqqaangujut piruqsaijjusirivaktanginik.
Piliriangukainnaqtumut pijjutinginik taakkua aaqqiksuijiuvut Inuit Ilitsivallialisaaqtunut Ilinniarutiksalirinirmi timiqutigijangit pijjutigijaujuqaqtunik ukua katujjiqatigiinginit:
- Nunatsiavut Government
- Kativik Regional Government
- Kakivak Association
- Kivalliq Partners in Development
- Kitikmeot Inuit Association
- Inuvialuit Regional Corporation
- Nunavut Tunngavik Inc.
- Pauktuutit Inuit Women of Canada