ᐃᓄᒃᑎᑐᑦ - ᑖᓐᓇ ᓇᕿᓪᓗᒍ | English - Click here
Atunnirmut maliktaujuksait qaritaujatigut pituksimanirmut maligaqutiit
Kingullipaaq aaqqigiaqtauninga: 01/09/2015
Katiqsugat: Inuit Ilinnialisaaqtunut Ilinniarutiksat qaritaujatigut katiqsuangummata piliriangullutik Inuit Tapiriikkut Kanatami (ITK). Taakkua atuqpannirmut maliktaujarialiit ammalu qaritaujatigut pituksimanirmut maligaqutiit ("maliktaujarialiit") nalunaijaisimavut pijunnautigijarnik ammalu piliriaksarijarnik atuqtillugit Inuit ilisariulisaaqtunut pivaallirutissarijanginut qaritaujatigut pituksimavvingatigut ("qaritaujatigut pituksimavvingat") ammalu Inuit ilisariulisaaqtunut pivaallirutissarijanginut Katiqsuangujunit ("Katiqsuangujut"). Atunnikkut qaritaujatigut pituksimavvinganik ammalu/uvvaluunniit Katiqsuangujunik, taakkuninga maliktaujarialinnik angirutiqaqsimagavit.
ATULIQTITAUSIMANINGIT
Maliktaujarialiqutiit atuliqtitausimammata kikkutuinnamut atuqtumut ammalu/uvvaluunniit qaritaujatigut pituksimavvinganik atuqtaqtumik. Maliktaujarialit atuliqtitausimagivut kinatuinnamut tunisisimajumut titiraqsimajuqutiminik ammalu/uvvaluunniit atuqpaktunut titiraqsimajunik Katiqsuangujunut/nit. Kinatuinnaq inuk atuqtuq qaritaujatigut pituksimavvinganik uvvaluunniit Katiqsuangujunik pijjutigillugit nangminiq pilirivviqaqtut, taikkua pilirivviqaqtut naammaksaliqtitauvammata maliktaujarialiujunik.
ATURNIQAMMARIKTUQUTIVUT
Una qaritaujakkut turaangatitausijuq Inunnut atuqtaujussaulluni.
Katiqsuangujunut tunisijumajuqaqtillugu angiqsimainnaujaqtugut kisiani piluaqtumik ajaurinasukpakłuta titiraqsimajanginik Inuit angajuqqaarijaujut, pairivvingni ilisaijiujut, ammalu pairivvingnut aulatsijiujut tunisinasuqattaqullutigut.
Taikkua titiraqsimajaminnik Katiqsuanut tunisijut ujjirusutsiaqujivugut ilinniarutissanik ammalu piliriangujussanik aksururutiqaqsutik aaqqiksuinasunninginnik tunnggavviqaqtiługit Inuit uqausinganik, annirijaqutinginnut, qaujimajjusirijanginut, ammalu ilinniaqtittijjutissaujunik. Ilinnut turaanganngginniqpata kisiani ilippaallirumaguvit kajusititauningita asijjiqtauvalliallutik Inuit ilinniaqtitaujjusingit, pigiarvittiavallarik kanatami Inuit ilinniarnilirinirmut parnautingit uqalimaaganngguqtitausimallutik Amaujaq Kanatami Inuit Ilinniarniliriningannik.
Ukua anninnarutigijavut titiraqtausimajut, tamakkiingangittuugaluat, aaqqiktausimammata niriugijaujut iliqqusiit qaritaujatigut pituksimavvimmi, ammalu nalunairvigiqullugit niriunniqarnittinnik qanuinnggittiaqtunik, Inunnut turaangatitaujunik katinngaqatigiinniunimmik:
- Matuinnggattiaqtuuniq - kikkulimaanik ilagijauliqujivugut qaritaujatigut pituksimavvittinnut ammalu Katiqsuangujunut tunisijumajunut angiqsimainnaujaqtugut kikkutuinnanit (turaangatiaqpata Katiqsuangujunut turaaqtaunasuaqtunut ammalu malitsiaqpata asinginut aturniqaqtitattinnut).
- Ippigijaqattiarniq - ukpirusukkatta tamarmik ippigijauttiariaqarninginik taimaitittinasukkatta pavvisaaqtaunnggillutik pilirijunaqtitaujariaqarninginik.
- Nalunaiqsiniq Inuit isumagijaqausinginit - annirillarikkattigut tamainnik Inuit Qaujimajatuqangit, piusituqangit, ammalu uqausirijangit.
- Nunaqqatigiittut qanuinnggittianningit - atuliqtittiqattaqtugut qanuinnggittiaqtunik nunaqqatigiiktittinirmik, tamaitigut qaritaujatigut pituksimavvimmi ammalu Inuuqatigiiktuunik, ilisaqsinittigut Inuit nangminiq aulatsijunnarninginik ammalu quvvaqtittigiannirmik tusaumajauningit makimavagiiqtut iqqanaijarvit ujjirusuliqtittinirmik ammalu pilirijjutiksaujunut kigliqarutiujunik quttingniqsaujunut inunnut turaangajunut ilinniarutissarijanginnut.
Titiraqsimajuqutiit tunijausimajut qimirrujauningit
Ilagijaulluni Katiqsuivallianirmut ijjuaqtaujariaqannggittunut maligannguqtitausimajunik, tamarmik titiraqtausimajut tunijausimajut maliktitaujariaqarniaqput tunnggavviqutigijanut nalunaijaqtausimajut taakkua qulaani annirijaqutittinnut.
Tamarmik titiraqsimajuqutiujut tunijausimajut Katiqsuangujunut qaujigiaqtauniaqtut qimirrujaulutik aaqqiktausimajunut qanuittuujarialinginut qaitaujut ammalu/uvvaluunniit qimirrujaulutik Katimajiralaanut, ilaqallutik Inuit Tapiriikkut Kanatami iqqanaijaqtinginit ammalu ikajuqtiqallutik piliriaqatigijatta katujjiqatigiinginit aaqqiktausimaniaqtutik tilijausimalutik qaujigiaqtiuniaqtut ilijauqatauqujaullutik Katiqsuangujunut ("Katimajiralaat"). Tamanna piliriarijaujuq atuliqtitausimajuq taikkua naammagijausimajut Katiqsuangujunut piqutit takussautittimmangaata Inuit annirijaqutinginik malittiarmangaata ammalu turaangangmangaata ilinniavviup sivuniagut ilinniarutisanut. Pijungnautiqaqtitaugatta qipilugunnarnirmik isumagiguttigut qaitausimajut naammanngginninginik ammaluunniit annirusuutigijattinnik siqumitsisimakpata. Tunisijunnarajaqtut tusaqtiqattallutigut titiraqsimajuqutingit Katiqsuangujunut ilijaujunnannggippata, ammalu, ajurnannggikkaangat, sunat pijjutigilluniuk isumaliurutiqalaurmangaata nalunaijaisimalutik. Kisiani, Inuit Tapiriikkut Kanatami pijunnautiqaqput kiujjutimigut pijjutiqanngillutik nalunaiqsilutik titiraqsimajanga ilijaujjaangiłuni Katiqsuangujunut.
Ippigijaqattianniq Inuit Qaumajatuqangit ammalu titiraqtaunikut utiqtitaunasunnanningit
Inuit Tapiriikkut Kanatami ilitaqsisimavut ammalu quviasugutigilluniuk nunaqaqqaarsimajut pijungnautiqanninginik pilirittiunirmut, aulatsinirmut, mianiqsinirmut ammalu aaqqiksuijunnarningita isumagiqqaarsimallugit sanaugaliarisimajangit nangminiqanninginik piusituqaminni atuqsimajaminnik, qaujimajatuqarijaminnik ammalu piusituqakkut uqausiuvaktunik suurlu nalunaijaqtausimajut junaitit naisakkut nalunaiqsijjutingit nunaqaqqaarsimajut pijunnautiqarningita titiraqtausimajut 31-ngani. Inuit Tapiriikkut Kanatami piliriaqammata Inuit aulatsiqatauqullugit nunaligijaminni ammalu piusituqaminni qaujimajatuqarijaminnik ammalu kikkutuinnait inuunngittut ujjirusuliqtitaulutik pijungnautiqarningita ammalu angiqsimajjutiqariaqanningit turaangatillugit Inuit Qaujimajatuqanginik atuqpanninginni.
Piqutigijaminnik Katiqsuangujunut tunisiniarutik, tunniqsaijut nalunaiqsiqujauvut piqutigijangit iluliqarutik Inuit Qaujimajatuqanginik kiggaqtuinasukqutillu uvvaluunniit asingitigut piusituqarmi aktuqtausaraittunik titiraqsimaniqarutik, ammalu nalunaiqsijjutinik ilaqaqtittaullutik pijunnautiqarnirminnik uvvaluunniit naammagijaujjutinik pisimanirminnik tunisijunnarnirmut piqutiminik Katiqsuangujunut. Isumagillugit amisukallaujut nalunaiqsijjutingit Inuit Qaujimajatuqanginik nangminiqannirmut ilisiqasiutijariaqarnirnik nangminiqannirminnut, tigumiaqtiunirminnut, uvvaluunniit mianiqsijiunirminnut pijjutiqaqtunik - ilaqarmilugit katitausimalilaurninginut Inuit aulattijumallutik ullumiuliqtumut inuusiqaliqtitauningita aktuqtausininginut pijjutiqaqtunik piqataullutik siammaktitausiningita nunaliujunut ammalu piusituqaq iliqqusirilauqtangit asiruqtausimalirninginut - Inuit Tapiriikkut Kanatami uqallausiqaqujivut naammattiaqtukkut takussautittilutik ammalu ilulirijangit titiraqtausimajut atuqtaujunik, ilaqarillutik piqutit piiqtausiqullugit tuksirautiujunik ammalu utiqtittiqujijjutinik tunnirijamininganik. Takulugit unikkaaqsimajut aviktuqsiniagut saqqiiqattarnirmut tusagaksanik pijjutiqaqtunut.
Uqausilirinirmut Maligaq
Inuit Ilinnialisaaqtunut Ilinniaqtitsijjutiksat ilaqarmata Inuit uqausingannik, piusituqangannik ammalu iliqqusituqanginnut pijjutiqaqtunik. Inuit Tapiriikkut Kanatami ilitaqsisimangmata Inuit uqausingat tunnggavvigijaummat Inuit kinauninginut ammalu aksururutigivammagu ilauqatautittigiaqpannirminni amma upigijaqattiariaqpannirminni inuit qaujimajatuqanginik, piusituqarijanginik, ammalu uqausingannik piliriarivaktaminni.
Inuit Nunanganni, quliummata (10) Inuktitut uqarusiuvaktut ilagiingujunut Inuktituusuunut, atunilu nangminiqtauq nunaminni uqarusiqaqpakkillutik.
Ikajuqtaujjutigivaktaminni iluaniittunit, Inuit Tapiriikkut Kanatami (ITK) pitaqaqtittisimavut ikajurutissanik qaritaujatigut pituksimavvit iluaniittunut ammalu katiqsugauvalliallutik piqutiujunut imanna uqarusiqaqtunik:
- Qikiqtaaluup Nigiani Inuktitut (qaniujaqpaititut)
- Qikiqtaaluup Nigiani Inuktitut (qaliujaqpaititut)
- Qallunaatittut
Katiqsuganut tunisisimaqataujut ikajuqtugausimavut tunisisimaliqpaqullugit piqutinik uqaqtausimaniqaqtillugit nalliatigutuinnaq Inuktitut/uqarusingitigut titiraqtausimalutik, kisianilu taikkua piqutiit uqaqtausimaniqaqtut nalliatigutuinnaq pingasuullutik uqarusirnik ikajuqtugausimallutik Inuit Tapiriikkunnit Kanatami nalunaijaqtausimalirunnarniarmata ammalu nalunaikkutaliqtugaulutik katiqsugani ilautinnagit nalunaikkutaqarutiujut ikajuqtausimaniqaqtut maannaujumi kisiani qallunaatituurtugit.
Piqutit makpirangani tusagaksaqutiujut (ilaqartillugit nalunaijautinginik piqutinut ammalu asinginik nalunaijautinik piqutinut) takussautitauniarmata uqarusirijausimallutik tunijausimalilaurningitigut.
Inuit Tapiriikkut Kanatami Inuktituuliqtittivanniangimmata uvvaluunuunniit qaliujaqpaititut aaqqiksuisimaliqpanniannggimmata makpiranik tusagaksaqutiqaqtunik atuqtutik asinginik uqarusirnik, ilautinnagit taikkununga piqutinut atuinnautitausimajunut amisuilingallutik uqarusirnik atuqtutik. Inuit Tapiriikkut Kanatami takkuninga piliriaksanik pijariiqsisimalirniaqtut, ilaqartillugit asinginik tukiliuqtausimaliriaqaqtunik uvvaluunniit qaliujaqpaititut aaqqiksuqtausimaliriaqaqtunik ilijauniarlutik qaritaujatigut pituksimavvinganut, kinguvaqtitauttailisimavaklutik.
Amisuitigut uqarusiqtigut atuqtutik piqutiujut (tukiqaqpuq piqutit titiraqtausimaniqaqtut nalunaijautingit uvvaluunniit nipiliuqtausimaniqaqtut amisuitigut uqarusiqtituuqtugit) nalunaijaqtausimaliqpanniaqtut ammalu iliuqqartausimalirlutik tuqquaqarvinginut aaqqiksuqtausimatuaqpata uqarusirnut ikajuqtugaumallutik Inuit Tapiriikkunnit Kanatami.
PILIRIAKSARIJATIT
Ajaurivugut ilissinnik Katiqsuangujut isumagiqullutigut uqalimaarviktitut. Suulluli uqalimaarvik iglurjuanguppat, iglurjuap iluaniittunik titiraqsimajunik, sanarrutinginik, ammalu aaqqiksuqtausimaninginik maliganik malittiaqtutitut aturiaqaravit, ammalu upigusuttiallutit pittiarasullutit aturajaravigit Katiqsuangujuniittut atuinnaunginnaqullugit atuqtaujunnattiallutik unulaangujunut inuqutigijattinnut.
Titiraqsimajut piqutit Katiqsuanut tunijaunirijangit
Tukisiumajjutinik maligaujunut turaagaqaqtut titiraqsimallutik piqutigijat tunisinirmut Katiqsuangujunut, takugiarunnaqpatit titiraqsimajunik taijaillutik Katiqsugat: Inuit Ilinnialisaaqtunut Ilinniaqtitsijjutiksanut Tunisisimalirniarnirmut Angirutigijausimajut.
Katiqsuangujuniittunik atuqtauvanninginut naammagijausimajut
Ijjuaqtaujariaqannggittunik tigumiaqti asiagut tuksirautiqaqsimannggippat, titiraqsimajungit atuqtauvagunnarniaqtut imanna ammalu kiinaujjaksanasuannggillutik atuqtauniaqput:
- Kikkutuinnaq ammalu ilaakkuuqtut atusuut piqutinik titiraqsimajaujumik qaritaujatigut amusijunnaqattarniaqput.
- Kikkutuinnaq ammalu ilaakkuuqtut Inuit atuqpaktut amisuliurunnaqpanniaqtut titiraqtausimajunik. Ilaqaqpuq amisuuliqtittinimmik titiraqsimajukkut ajjigiingittukkut, tukiliutilugu, titiraqtauniku paippaatigut takussaruqtillugit.
- Kikkutuinnaq ammalu ilaakkuuqtut Inuit atuqpaktut ajjinginik amisuliangusimajunik piqutinik amiqqaqatiqaqattarunnarniaqput asimingnik.
- Kikkutuinnaq ammalu ilaakkuuqtut Inuit ajjigiinnggittutigut aqqigiaqsijunnaqtut sanajausimajumik asinginut inunnuungajunut, ilinnialisaarutinut iluliqarutik. Ilaqammigilluni piliriniujunik suullu tarrijaassamik sananiq nipiliuqsimajukkullu titiraqtausimajumik ammaluunniit Nunavikmut-aktuajuq sunakkutaaq Aatuvaami takussaruqtillugu.
- Kikkutuinnaq ammalu ilaakkuuqtut Inuit atuqpaktut tukiliurijunnaqput titiraqtausimajunginnik asinginut uqausirnut.
Nalunaijautit qanuq ijjuaqtaujariaqannggittunik tigumiaqti nalunaiqsimallugu piqutiminnut angirutiqammangaat atuqtaujungnaqtittinirmut nanijaujunnaqput atuni makpiranginit qaritaujatigut taijauniqaqtuni "Ijjuaqtaujariaqannginninganut tusagaksaqutiit" (Copyright information | ᐃᔾᔪᐊᖅᑕᐅᔭᕆᐊᖃᖖᒋᓐᓂᖓᓄᑦ ᑐᓴᒐᒃᓴᖁᑏᑦ | Ijjuaqtaujariaqannginninganut tusagaksaqutiit).
Katiqsuangujunit titiraqtausimajut aturniaruvigit uvvaluunniit atukkannirniaruvigit:
- Pilirijausimanianik nalunaillugu, ilitarisimalugu, ammalu taisimalugu titiraqtiulauqtuq(tut) ammalu/uvvaluunniit ijjuaqtaujariaqannggittunik tigumiaqtiujuq(jut) nalunaijaqsimalugit uqaqsimannggippata pijungnautigijaminnik aturunniiqtittijumanirminnik. Taimali piqutiujut iluliqaqpata pijjutiqallutik Inuit qaujimajatuqanginik, pilirijuviniit nalunaillugit, ilitarisimalugit, ammalu taisimalugit nunaliujuq nunaligijaujulluunniit.
- Tamarmik ijjuaqtaujunnannggittunut tigumiaqtiujut tukisigiarvigijariaqaqpatit qaujimallarinnggikkuvit angiqtausimagaluarmangaaqpiit piqutigijamut aturunnanniit uvvaluunniit qanuiliqtisimalugit ilulirijanginik aturunnarmangaaqpiit.
- Aturutigijatit qulaagut mikilligiaqtittittailijarialiit piuttianninginik ammalu atuqtauqujauninginik piqutiujut, ilulirijanginik, uvvaluunniit titiraqtiujup(jut) titiraqsimajuqutiujunut.
- Aturnirijait sulinnggillutit aturiaqannggilat piqutiujut atuqtillutit atiliuqtausimanirarlugit titiraqtiujumit(nit) ammalu/uvvaluunniit uqalimaagaliuqtiujumit uvvaluunniit ilagijauqataulilaurnirnik titiraqtiujumut(nut) ammalu/uvvaluunniit uqalimaagaliuqtiujumut.
Qaritaujatigut pituksimavvinganik aturunnarniit ajunngititaujut
Qaritaujatigut pituksimavvinganik atuqtillutit:
- Piqujanut nalunaiqtausimajukkut aturiaqaqtaujutuummata ilinnut.
- Iliqqusiqariaqannggilatit uvvaluunniit tunisijariaqannggilatit titiraqsimajunik aanniqtirijjutinik, kappiasaarijjutinik, sulinatik qanuinniraijunik, ilainnaarisimajunik, pavvisaarijunik, uvvaluunniit asiruqtirijunik.
Katiqsuangujuniittunit uqausiqaruvit, ilitaqsijariaqaqputit ammalu taisimalugit Inuit Tapiriikkut Kanatami nangminiqaqtiuninginik Katiqsuangujunik ammalu ijjuaqtaujariaqannggittunik tigumiaqtiuninginut nalituinnanginik qaritaujatigut pituksimavviup iluaniittunik Katiqsuangujuniinnggittuukpata piqutiujut.
TUSAQTITTISIMANIQ MALIKTAUGIALINNIK SIQUMITTIJUNUT AMMALU PIIQTAUQUJINIRMUT TUKSIRAUTIGIJANGIT UVVALUUNNIIT PIQUTIUJUNUT UTIQTITTINASUANNIMMUT
Kannggunaqtuutilugit tusaqtittijumaguvit maliktaugialinnik siqumittisimajuq pijjutigilugu ammalu/uvvaluunniit ukpirusukkuvit qanuinniulaurtuq pijjutigillugu piqutiujut piiqtaujariaqarninginik Katiqsuangujunit, qaritaujatigut titirausirijunnaqpatit uvunga katiqsugat@itk.ca. Ajurunniituarutta tusaqtittiniaqtugut saqqitaujunik pisimalirnittinnik; taimalu qaujigiarniqalirajaqłuta ammalu isumaliurutigisimalirlugu qanuq naammangniqpatigut piliriangulirniarmmangaat.
Ujjirusummijugut ilaanni kinatuinnaq ujjirusunnatik maliktaugialinnik ilanginik tukisiumattiannggillutik kisulirijut ijjuaqtaujariaqannggittunik sikumittisimaliqtittijunjunningita uvvaluunniit asingigut naammannggittumik iliqqusiqaqsimanianut isumagijauvaktunik. Taimannailingalirniqpat, iqqaitigiaqpanniaqpasi uvvaluunniit uqalimaaqsimaliqulugit taakkunani uqaqsimaningit. Ajurnaqsikpat piliriangujariaqarninga kamagijaunasulluni, unikkaarijunnammijat kannggunaqtuutisimalugu titirarutigilugu qaritaujatigut uvunga katiqsugat@itk.ca.
INUIT TAPIRIIKKUT KANATAMI AKILIIJARIAQARNINGITA KIGLIQAQTITAUNINGIT
Inuit Tapiriirkut Kanatami akiliijariaqannggilat naammannggittutigut piqutigijat titiraqtausimallutik Katiqsuaniittut atuqtaukpata qaritaujatigut pituksimavviktigut uvvaluunniit Katiqsuangujunit atuqpaktunit uvvaluunniit pingajurijaullutik atuqpaktut atuqtaunirijanginut. Inuit Tapiriikkut Kanatami akiliijariaqannggilat tammaaqsimallutik tusagassaqutingita titiraqtausimaningini Katiqsuangujuniittunut. Inuit Tapiriikkut Kanatami piliriaqaqtitaujariaqannggittut asiujijausimajunit kiinaujjaksaarijassanut, utiqtuksaqutinik, uvvaluunniit tukisigiarutinik; kiinaujatigut asiujisimaniq uvvaluunniit suurlu sanirangatigut, qanuinniqaqtillugu, qanuilisimatitaullutik, ilagijauqataunnggittutik uvvaluunniit aaqqissijjutaullutik akiliutigijaujunik taimannaititaullutik tunijausimaninginit uvvaluunniit atuqtauninginut Katiqsuangujunit uvvaluunniit qaritaujatigut pituksimavviktigut atuqtauninginit.
Atuqpaktut Katiqsuangujunit ammalu/uvvaluunniit qaritaujatigut pituksimavviujunit qanuinnggitittijariaqaqputit ammalu pasijaksautittijjaanasi Inuit Tapiriikkut Kanatami ilagijaujunut taakkununga timiumut, isumatarijangit, pilirijingit ammalu iqqanaijaqtingit nangminiqarniraippata iqqartuijitiguuqtunik uvvaluunniit piliriangutittisimaninginit taimaititaulutik tunisilaurniujunit uvvaluunniit tunisilaurnirmut turaangajunut Katiqsuanut uvvaluunniit atuqtauvangningita qaritaujatigut pituksimavviujut ammalu/uvvaluunniit Katiqsuangujut uvvaluunniit siqumitsilaurnimmik taakkuninga maliktaugialinnit ilingnut nangminiq ammalu uvvaluunniit asianit atuqtumit tunisilauqtumilluunniit.
KANNGUNAQTITTINIQ KATIQSUINIUJUNUT ATUQTAUNINGITALU ILINNUUNGAJUT TUKISIUMAJJUTIIT
Inuit Tapiriikkut Kanatami ippigijaqattiaqtut ammalu nangminiq ilingnut turaangajut tusagassaqutigijatit. Tunisiniaqtillutit piqutinnik apirijaugavit ilingnut pijjutiqaqtutik tusagassaqutit ilaqallugit atiit qaritaujatigut turaarutinnik titiraqujaullutit. Uqaqsimannggituaruvit kinaunirnut tusaqtaujumanngginnirnik, sivulliq ammalu kingulliq atirtit, suurlu nalunaijaqtausimammata tunisinirmut tatatirialingigut, titiraqtausimaniarmata Katiqsuangujunut titiqqaqutingigut. Inuit Tapiriikkut Kanatami saqqiivangniannggilat kikkutuinnannut pijjutiqaqtut tusagassaqutigijarnik. Inuit Tapiriikkut Kanatami qaujimalutik Katiqsuijjaanngilat immikkuungajjutinik arraaguqaqtunut tungaanut 18.
Ilingnut nangminiq pijjutiqaqtut tusagaksaqutigijaujut amiqqartauvanniaqtut Katimajiralaanut. Taakkua ilagijauqataujut taakkuninga tusagassaqutinik aturunnaqtitaujut qimirrunirminnut titiraqsimajuqutinnik tunilauqtarnik taassumuunatuaq.
Qaritaujatigut pituksimavvinganik ammalu/uvvaluunniit Katiqsuangujunik aturniaruvit, Inuit Tapiriikkut Kanatami qaritaujatigut sanarrutinik atutuinnariaqaqput Katiqsuijjutiginiarlugit qanuilingaliqsimaniujunik; kisianilu, nangminiq turaangajunik Katiqsuivanniannggilat. Tamakkua qaritaujatigut sanarrutiit tigusisimajjutiuvammata qaritaujatigut uuttuutaujut atuaganik (IP) turaarutinginik qaritaujaup attataqsimajunut qaritaujatigut pituksimavvinganut, ullunganik ammalu qaujisaut namungaqtillugu pituksimalivvinganik, nalinginik makpiranginik qimirrulauqtangit ammalu qinirutiulauqtut. Inuit Tapiriikkut Kanatami attataqsimatittiniannggittut taakkununga IP-ngujunut turaarutinginut inunnut qaritaujatigut pituksimavvinganik uvvaluunniit Katiqsuangujunit atuqpaktunut.
AAQQIGIAQTAUSIMANINGIT
Inuit Tapiriirkut Kanatami, ilaannikkut, titiraqtausimaninginik aaqqiigiaqsituinnarialiit, suurlu, takussautittigiarlutik aantiariumi puraavinsingata ammalu kanataup nunarjuangani asijjiqtaugajaqpata. Inuit Tapiriikkut Kanatami titiraqsimaninginik aaqqiigiaqattarniaqput aaqqigiarutiujut qaritaujatigut pituksimavvinnut iliuqqaivaglutik ammalu ullumimut tunngaliriaqpallugit kingullirmik aaqqigiaqtaulaunirijanginnik. Aaqqigiarutinginik takussautittitillutik, ullumimut titiraqtausimaningit atuliqtititauvanniaqtut. Aturuvit qaritaujatigut pituksimavvinganik ammalu Katiqsuangujunit tukiqaqtuq naammaksannirmik aaqqigiarutiusimaliqtunik ammalu iluikkaullugit maliktauqujausimaniujunut.
MALIGAQUTIUJUP ATULIQTITAUSIMANINGA
Ukua angirutiujut maligaqutigijaujut aulatauniqarmata Aantiariu puraavinsingani maligaqutigijanginut, ammalu atuliqtitausimagiaqarutik, Kanataup nunarjuangata piqujaqutinginnit.
UVATTINNUT TUSAQTITTILUTIT
Tunngasaituinnaqpugat kinatuinnaup isumaqausinginnik tamatumunga apiqqutigijaujunullu. Atii titirarvigilauqtigut.