ᑲᑎᖅᓱᐊᖑᕙᓪᓕᐊᔪᓄᑦ ᑎᑎᕋᖅᑕᐅᓯᒪᔪᑦ ᓇᑭᑦ ᐱᔭᐅᕙᒃᐸᑦ?

ᑕᒪᕐᒥᒃ ᑎᑎᕋᖅᑕᐅᓯᒪᔪᑦ ᐃᓕᐅᖅᑲᕐᑕᐅᓯᒪᖃᑕᐅᓪᓗᑎᒃ ᑖᒃᑯᓇᓂ ᑲᑎᖅᓱᐊᖑᕙᓪᓕᐊᔪᓂ ᐱᔭᐅᕙᒃᑐᑦ ᐃᑲᔪᖅᑎᒌᖃᑎᒋᓪᓗᒋᑦ ᐱᓕᕆᐊᖃᖃᑎᒋᔭᐅᔪᓂᒃ ᐊᒻᒪᓗ ᑎᒍᒥᐊᖅᑎᒋᔭᐅᔪᓂᑦ ᐃᓄᐃᑦ ECD-ᖏᓄᑦ. ᑕᒪᒃᑯᐊ ᐃᓚᖃᖅᑐᑦ ᖃᐃᑕᐅᓯᒪᔪᓂᒃ ᐃᓄᐃᑦ ᐊᕕᒃᑐᖅᓯᒪᓂᖏᓂ ᐊᒻᒪᓗ ᑲᓇᑕᓕᒫᒥ ᑲᑐᔾᔨᖃᑎᒌᖏᓂᑦ ᐊᒻᒪᓗ ᒐᕙᒪᐅᔪᓂᑦ, ᐸᐃᕆᕝᕕᖕᓂᑦ, ᐱᐅᓯᑐᖃᓕᕆᕝᕕᖕᓂᑦ, ᐳᕌᕕᓐᓯᐅᔪᓂ, ᐊᕕᒃᑐᖅᓯᒪᓂᐅᔪᓂ ᐊᒻᒪᓗ ᒐᕙᒪᑐᖃᒃᑯᑦ ᒐᕙᒪᖏᓐᓂᑦ, ᐊᒻᒪᓗ ᑭᒃᑯᑐᐃᓐᓇᓂᑦ ᐃᓄᓐᓂᑦ, ᐃᓚᖃᖅᑐᒋᑦ ᐃᓕᓴᐃᔨᓂᑦ, ᐊᐅᓚᑦᓯᔨᐅᔪᓂᑦ, ᐱᓕᕆᐊᖑᔪᓄᑦ ᐋᖅᑭᒃᓱᐃᔨᓂᑦ ᐊᒻᒪᓗ ᐊᖓᔪᖅᑳᕆᔭᐅᔪᓂᑦ!

ᑲᑎᖅᓱᒐᑦ ᑐᕌᕐᕕᒃᓴᖃᕐᑎᑕᐅᒻᒪᑕ ᐊᔪᕐᓇᖖᒋᒃᑳᖓᑦ ᐃᓚᖃᖅᑎᑦᑎᕙᒋᐊᖃᕐᓂᕐᒧᑦ ᐃᓗᐃᒃᑲᐅᓪᓗᑎᒃ ᑎᑎᕋᖅᑕᐅᓯᒪᔪᓄᑦ ᐊᒥᓱᓕᐅᖅᓯᒪᔪᖃᓕᖅᐸᒋᐊᒥᒃ. ᐊᒃᓱᕈᕈᑎᒋᓯᒪᒐᑦᑎᒍᑦ ᐱᓯᒪᓕᕆᐊᒃᓴᒥᒃ ᐃᔾᔪᐊᖅᑕᐅᔪᓐᓇᖖᒋᑦᑐᓂᑦ ᐊᖏᖅᑕᐅᓯᒪᓕᕈᑎᓂᒃ ᐅᖃᓕᒫᒐᓕᐅᖅᑎᐅᕙᒃᑐᓂᑦ, ᑎᑎᕋᖅᑎᐅᕙᒃᑐᓂᑦ ᐊᒻᒪᓗ ᑲᑐᔾᔨᖃᑎᒌᖑᔪᓂᑦ ᑕᐃᒃᑯᐊ ᓴᓇᔨᐅᖅᑳᓚᐅᖅᑐᑦ ᐃᓕᑕᕆᔭᐅᓯᒪᕙᖁᓪᓗᒋᑦ ᐊᒻᒪᓗ ᐅᐱᒋᔭᐅᕙᓪᓗᑎᒃ ᐊᖏᔪᒻᒪᕆᖕᒥᒃ ᐱᐅᓪᓚᕆᒃᑐᓂᒃ ᐱᓕᕆᐊᖃᖅᓯᒪᓂᖏᓐᓄᑦ. ᓈᒻᒪᒃᓴᐃᔾᔪᑎᓂᒃ ᐱᓯᒪᓕᓚᐅᖅᑐᒍᑦ ᐃᓗᐃᒃᑲᐅᑎᓪᓗᒋᑦ ᐊᒥᓱᓕᐅᖅᓯᒪᓕᕆᐊᑦᑎᓐᓂᒃ ᑎᑎᕋᖅᑕᐅᓯᒪᔪᖁᑎᐅᔪᓂᒃ ᑕᑯᒃᓴᐅᑎᑕᐅᓪᓗᑎᒃ ᑲᑎᖅᓱᐊᕆᔭᐅᕙᓪᓕᐊᔪᓂ.