Sunaummata Inuit Ilinnialisaaqtunut Pivalliajulirijikkut piliriaqaqtiullutik Timiqutingat?

Inuit Ilinnialisaaqtunut Pivalliajulirijingit (ECD) Piliriaqaqtiullutik Timiqutingat pijjutiqaqtigijauvut atuni sitamaullutik Inuit aviktuqsimaninginit Canada-mi - Inuvialuit Aviktuqsimaninginit, Nunavummit (Qikiqtaaluk, Kivalliq, Qitirmiut), Nunavikmit ammalu Nunatsiavutmit, ilaqarillutik Inuit Tapiriikkunnik Kanatami (ITK) ammalu Pauktuutikkunnit Arnait Inuit Kanatami, ilagijaujumallaringniqaqtunik, ammalu piliriniqarumajunik quvvaqtittigiaqtiunirmut, Inuit Ilinnialisaaqtunut Pivalliajulirininginik. 

Pigiaqtitaulauqsimallutik 2001-ngutillugu, Piliriaqaqtiullutik Timingat Inunnut katimajigijauvaktut uqallausiqaqpannirni ECD-nut kiinaujaqutissaqaqtittivannirnik, sivulliqpautitaksaujunik, maligaqutiujunik, pivalliajulirinirnik ammalu isumaalugutiqarviujunik kanataup quttingningani. ITK-kut taakkununga piliriaqaqtiullutik timingannut titiraqtigijauvut.

2004-mi, Piliriaqaqtiullutik Timingat uqalimaagaliulauqsimavut taijaujunik Inuit Ilinnialisaaqtunut Pivalliajulirinirmi Parnautinik. Piluaqtumik turaarviksaqartitauvut taakua Parnautiliangusimajut "tikisimaliqtittinajarnirmut qanuinngittiaqtunik, quviasuktunik ammalu naammattiaqtitaullutik Inuit surusinginik ilagiingujuniklu" ikajuqtigiinniqarlutik iliriaqaqatiqalirnirmiktigut ammalu piliriangujunut turaangatitaullutik 9-ngujunik turaarviksaqutigijaminnik. Ukiutamaat, taakkua turaarviksaqutigijangit qimirrujaukkanniqpaktut piliriaqaqtiullutik timinginit ammalu sivulliqpautitaksauniaqtut nalunaijaqtausimaliqpaktutik. aaqqiksuisimalirniq Inuit ECD-nganut ikajuqtaujjutiksanik katiqsuivalliajjutiulirajaqtunik ilagijauqatauvuq taakkununga piliriangujuksanut.